Ozbek-Tariyx-1-70-(каракалпак). indd

Este saqlań
!
«Ózbekstan Respublikası xalıqaralıq qatnasıqlardıń tolıq huqıqlı 
subyekti bolıp esaplanadı. Onıń sırtqı siyasatı mámleketlerdiń 
suverenli teńligi, kúsh qollanbaw yaki kúsh penen qáwip tuwǵızbaw, 
shegaralarınıń qol qatılmaslıǵı, kelispewshiliklerdi tınısh jol menen 
sheshiw, basqa mámleketlerdiń ishki jumıslarına aralaspaw hám 
xalıqaralıq huqıqtıń ulıwma tán alınǵan basqa qaǵıydalarına hám 
normalarına tiykarlanadı». 
Ózbekstan Respublikasınıń Konstituciyası, 17-statya
.
Este saqlań
!
Koncepciyada tómendegi qaǵıydalar belgilep qoyıldı: «Ózbek-
stan ózin qońsı mámleketlerdegi qurallı qarama-qarsılıqlarǵa 
ushırawınıń aldın alıw maqsetinde tiyisli sharalardı kóredi; óz 
aymaǵında shet mámleketlerdiń áskeriy bazaları hám obyektleriniń 
jaylastırılıwına jol qoymaydı; Ózbekstan Respublikası Qurallı 
Kúshleri shet eldegi tınıshlıq súyiwshi operaciyalarda qatnaspaydı».
Sırtqı siyasat principleri. 
Ózbekstan Respublikası sırtqı siyasatınıń 
tiykarǵı principleri: ideologiyalıq kózqaraslarǵa qaramastan, birge 

---

113
islesiw ushın ashıqlıq, ulıwma insanıylıq qádiriyatlarǵa, tınıshlıq hám 
qáwipsizlikti saqlawǵa sadıqlıq; mámleketlerdiń suveren teńligi hám 
shegaralardıń qol qatılmaslıǵın húrmet etiw; basqa mámleketlerdiń 
ishki islerine aralaspaw, kelispewshiliklerdi tınısh jol menen sheshiw, 
kúsh qollanbaw hám kúsh penen qáwip salmaw; insan huqıqları hám 
erkinliklerin húrmetlew; ishki milliy nızamlar hám huqıqıy normalardan 
xalıqaralıq huqıqtıń ulıwma tán alınǵan qaǵıydaları hám normalarınıń 
ústinligi; mámlekettiń, xalıqtıń joqarı mápleri, párawanlıǵı hám 
qáwipsizligin támiyinlew maqsetinde awqamlar dúziw, doslıq awqamına 
kiriw hám olardan ajıralıp shıǵıw, basqınshı áskeriy bloklar hám 
shólkemlerge kirmew; mámleketler aralıq baylanıslarda teń huqıqlılıq 
hám óz ara mápdarlıq, mámlekettiń milliy mápleriniń ústinligi; 
sırtqı baylanıslardı hám eki tárepleme, hám kóp tárepleme kelisimler 
tiykarında rawajlandırıw, bir mámleket penen jaqınlasıw esabına 
basqasınan uzaqlamaw sıyaqlılar tiykarǵı baǵdar sıpatında belgilep alındı.