Ozbek-Tariyx-1-70-(каракалпак). indd

VII BAP. 
GÁREZSIZLIK JÍLLARÍNDA ÓZBEKSTANDA RUWXÍY 
HÁM MÁDENIY RAWAJLANÍW
15-tema.
 Ózbekstanda ruwxıy hám tariyxıy miyrastıń tikleniwi
Tariyxıy esteliktiń tikleniwi.
Ózbekstan suveren mámleket sıpatında 
jámiyetlik-siyasiy turmısta ruwxıy jańalanıw procesin ámelge asırmastan 
ǵárezsizlikti hár tárepleme bekkemlep bolmaytuǵının turmıstıń ózi 
kórsetti. Sonıń ushın da, elimiz basshılıǵı ǵárezsizliktiń dáslepki waqıt-
larınan-aq bul boyınsha zárúr sharalar kórdi.
1991-jılı Alisher Nawayı tuwılǵanınıń 550 jıllıǵı keń belgilendi. 
Alisher Nawayı atındaǵı Mámleketlik sıylıǵı shólkemlestirildi. Ádebiyat 
insitutına Alisher Nawayı atı berildi. Nawayı esteligi Tashkenttiń 
Komsomol kóli dep atalǵan dem alıw baǵına ornatıldı hám bul baǵ 
Alisher Nawayı atındaǵı Ózbekstan milliy baǵı dep atalatuǵın boldı. 
1994-jıldı húkimet qararı menen elimizde Ulıǵbek jılı dep járiya-
lanıwı onıń 600 jıllıǵın Ózbekstanda hám jer júzilik kólemde, máselen, 
YuNESKO rezidenciyası Parijde keń túrde belgileniwi de ullı alımlar 
qaldırǵan miyras ulıwma insanıylıq qádirayatqa aylanǵanlıǵınıń kórinisi 
bolıp esaplanadı. 1996-jılı Amir Temurdıń 660 jıllıǵı da keń kólemde 
belgilendi. Prezident «1996-jıldı Amir Temur jılı» dep atawı haqqında 
párman qabılladı. «Temur tuzikleri» birneshe tilde basılıp shıqtı. Sol 
dáwir tariyxıy-mádeniy estelikleri tiklenip, jazba ádebiyatlar ilimiy ayla-
nısqa kirgizildi. Tashkentte babamızdıń dúnyalıq ullılıǵına hám dańqına 
sáykes keletuǵın Temuriyler tariyxı mámleketlik muzeyi qurıldı. 
?

---

96
Húkimettiń arnawlı qararına muwapıq, 1999-jılı dekabrde Xorezmde 
Muhammed Rizo Erniyazbek ulı Ogahiy tuwılǵanınıń 190 jıllıǵı, Nókiste 
Ájiniyaz Qosıbay ulınıń 175 jıllıǵı, 1998-jılı oktyabrde Ferǵanada Ahmed 
al-Ferǵaniy tuwılǵanınıń 1200 jıllıǵı belgilendi. Islam áleminiń záberdes 
alımları bolǵan Imam Ismayıl Buxariydiń 1225 jıllıǵı, Imam Abu Iso 
Termiziydiń 1200 jıllıǵı, Mahmud Zamaxshariydiń 920 jıllıǵı, Najmiddin 
Kubronıń 850 jıllıǵı, Bahauaddin Naqshbandiydiń 675 jıllıǵı, Xoja Ahror 
Valiydiń 600 jıllıǵı hám basqa alımlardıń yubileyleri keń belgilendi
.
Samarqand. 
Amir Temur esteligi
Shahrisabz. 
Amir Temur esteligi
Tashkent.
Temuriyler tariyxı mámleketlik muzeyi
Este saqlań
!
1993-jılı Tashkentte, 1996-jılı Samarqand hám Shahrisabzda 
Amir Temur esteligi ashıldı. Sol jılı Samarqand hám Shahrisabz 
qalaları «Amir Temur» ordeni menen sıylıqlandı.
Zulfiya hám Hamid 
Olimjan esteligi. Jizzax.