Bo’lajak millionerga maslahatlar

1.6. KAMBAG’ALLAR FALSAFASI 
«Ehtiyoj – bu bizning oltinchi hissimizdir.
Ko’pincha u qolgan besh hisni bosib ketadi». 
 
 
 
 
 
 
 
 
 
Moris Safir 
“Boylikning asosiy sharti – og’ir mehnat”. Shunga ko’ra qancha-qancha 
odamlar ertadan kechgacha tinim bilmay mehnat qiladilar va arzimas pul oladilar. 
O’qituvchilar, dehqonlar, shifokorlar dam olish kunlarisiz, ikki stavkalab 
ishlaydilar, ammo baribir farovon yashay olmaydilar. Albatta, mehnatsiz 
millionlarni topib bo’lmaydi. Ammo boshqalar uchun emas, o’zingiz uchun 
ishlamog’ingiz kerak. Yana sizni chalg’itayotgan afsonalardan xalos bo’lish va o’z 
qashshoqligingizni oqlashni bas qilishingiz kerak. Keling, boyib ketishingizga
to’sqinlik qilayotgan ayrim xato qarashlarni aniqlashtirib olaylik.
1- afsona. “Toma-toma ko’l bo’lur” 
Xo’sh, ko’l bo’lib qoldimi? Hech bo’lmasa qozoningiz to’lgandir? Aniq 
bilamanki, yo’q. “Toma-toma ko’l bo’lur” maqoli kundalik turmushni amal – taqal 
o’tkazish uchun qo’l keladi, shubhasiz. Lekin, harakat qilib, tomchini kuchli 
oqimga aylantirish imkoni har doim mavjud. Tomchiga tikilib o’tirish esa 

---

AYUPOV RAVSHAN HAMDAMOVICH 
odamzodni o’z taqdirining yaratuvchisiga emas, tomoshabinga aylantiradi. Hayot 
tomchilab o’tmaydi, oqadi-ketadi. Qozoningiz to’lib ulgurmasligi mumkin. Bu 
bilan maqsadni kattaroq qo’yavering, demoqchimiz. 
2-afsona. “Hamma narsaning to’lovi bor. Boylar ham yig’lashadi.”
Qachon, qay holatda, asosiysi, nega yig’lashadi? Albatta, har doim emas. 
Qolaversa, ularning yig’isi qashshoqlarniki kabi mayda, kundalik tashvishlar 
oqibati emas. Asosiysi, pulingiz bo’lsa, hech bo’lmasa pulsizlik tashvishidan 
qutulasiz. Demak, yig’i uchun bitta sabab kamayadi. Siz hamma narsaning 
to’lovini o’ylab, qa’tiy tadbirlarga qo’l urishdan qo’rqasiz va oxir-oqibat 
yutqizasiz: butun umr tinmay ishlab, evaziga tiyin sanab yuraverasiz. To’lovlardan 
qo’rqmang. To’lash majburiyati yanada ko’proq ishlash va daromad topish 
ehtiyojini yuzaga keltiradi. Ehtiyoj esa ko’p narsaga qodir, ishonavering.