―умумий ва хусусий физиотерапия асослари‖

Даволовчи самараси: 
маҳаллий анальгетик, вазоактив, маҳаллий 
трофик, маҳаллий яллиғланишга қарши, қичишишга қарши, бактерицид. 
Кўрсатма.
Оғриқ синдроми билан периферик нерв системаси 
касаллиги (невралгия, нейромиозит, умуртқа поғанаси остеохондрози, 
гипостезия, парестезия), нейросенсор карлик, кардиал типи бўйича нейро-
циркулятор дистония, мигрень, уйқунинг бузилиши, климактерик невроз, 
энурез, алопеция, оѐқ ва геморроидал веналарининг варекоз кенгайиши, оғиз 
шиллиқ пардасининг яллиғланиши, трофик яралар ва терининг 
жарохатланиши, қичишиш билан кечувчи дерматозлар, экзема, узоқ 
битмайдиган яралар, вазомотор ринит, аѐл жинсий органларининг 
яллиғланиш касалликлари, простатит, импотенция. 
Қарши кўрсатма. 
Токни индивидуал кўтара олмаслик, бўшлиқ 
электродларини киргизиш вақтидаги оғриқлар. 
Параметрлари. 
Маҳаллий дарсонвализация учун частотаси 110 кГц 
бўлган ўзгарувчан ток импульслари қўлланилади. Импульсларнинг кетма-кет 
келиши частоталари 50 имп/с ни ташкил этади. Импульснинг давомийлиги 
100 мкс, электродга келувчи қучланиш 
- 25-30 кВ. Разрядда ток кучи 0,02 мА 
дан, кучланиш 50 В дан ошмайди.
Муолажа ўтказиш учун Искра-1 ва
Искра-2, Импульс-1 ва Корона-М 

---

68 
аппаратларидан фойдаланилади. Бу аппаратлар 8 хил вакуум электродлардан 
иборат : тароқсимон, катта ва кичик ректал, қулоқ учун, катта ва кичик 
замбуруғсимон, милк ва вагинал. 
Методика. 
Ўрта частотали ток импульслари бемор танасига шиша 
конденсаторли электродлар орқали узатилади. Кичик кучланиш ва бемор 
териси билан электрод узлуксиз алоқага кирганда ўрта частотали ток билан 
таъсир этади (лабил контакт усул). Кучланишнинг ортиши билан ва 
электроднинг бемор танаси юзасидан узоқлашишида таъсир этувчи омил 
бўлиб учқунли разряд бўлади (масофали усул). Иккала усулда ҳам шиша 
вакуумли таъсир соҳасида енгил ҳаракат қилади. Электроднинг тери бўйлаб 
яхши сирпаниши учун талькдан фойдаланилади, электрод спирт билан 
намланган пахта ѐрдамида артилади. 
Маҳаллий дарсонвализация муолажасида дозалаш аппаратдан 
чиқувчи кучланиш, разряддаги ток кучи ва муолажанинг давомийлиги билан 
амалга оширилади. 
Ҳар куни ўтказиладиган муолажанинг давомийлиги бир соҳада 3-5 
минутни ташкил этади ва ҳар хил соҳаларга таъсир этиш 10-15 минутдан 
ошмайди.Бир курсга 10-15 муолажа. Зурурият туғилганда муолажа 1- 2 ойдан 
кейин маҳаллий дарсонвализация муолажаси қайтарилади.