“kasbiy pedagogika” fan sifatida

Pedagogik tadqiqot prinsiplari: ob’ektivlik, ilmiylik; tizimlilik, tarixiylik,
uzviylik, umuminsoniy qadriyatlarning ustuvorligi.
Pedagogik tadqiqotlar metodlari. Ma’lumki, har qanday ilmiy bilish jarayoni
quyidagicha uch o‘zaro aloqador tarkibiy qismlardan tashkil topadi: bilish ob’ekti,
o‘rganuvchi sub’ekt va bilish metodi,  ya’ni tadqiq etish instrumentariysi.
Metod (grekcha “nimagadir erishish yo‘li”)  maqsadga erishish usuli, ma’lum
ma’noda tartibga keltirilgan faoliyat kabi umumiy ma’nolarni anglatadi.
Pedagogik tadqiqotlar metodlari, tadqiqotchi tomonidan real pedagogik voqelik
haqidagi dalil va ma’lumotlarni to‘plash, ularga ishlov berish va tahlil etish
usullaridir. Pedagogik tadqiqot metodikasi deganda,  metodlar yig‘indisi, aloqadorligi
va ulardan foydalanish ketma-ketligi tushuniladi. Tadqiqot metodlaridan majmuaviy
foydalanish bizni sub’ektiv ta’sirdan xalos etadi.