Кодекси умумий қисм биринчи бўлим асосий қоидалар олдинги таҳрирга қаранг

209-модда. Пул, қимматли қоғозлар, валюта бойликлари ва 
заргарлик буюмларини сақлаш учун топшириш 
Ишга ашѐвий далил сифатида қўшиб қўйилган пул, қимматли 
қоғозлар, валюта бойликлари, заргарлик буюмлари ва қимматбаҳо 
металлардан, қимматбаҳо тошлардан ясалган бошқа буюмлар, шунингдек 
бундай буюмларнинг резгилари топилганда мутахассис иштирокида кўздан 
кечирилиши ва белгиланган тартибда сақлаш учун топширилиши лозим. 
Олдинги
 таҳрирга қаранг. 
Фуқаровий даъвони таъминлаш мақсадида ѐхуд гаров тариқасида 
олиб қўйилган ѐки қабул қилинган пуллар уч суткадан кечиктирмай 
суриштирув, дастлабки тергов органи ѐки суднинг депозит ҳисобига 
топширилиши шарт. 
(209-модданинг иккинчи қисми Ўзбекистон Республикасининг 2001 
йил 29 августдаги 254-II-сон 
Қонуни
 таҳририда 
— Олий Мажлис 
Ахборотномаси, 2001 й., 9-10-сон, 165-модда) 
210-модда. Жиноят ишини юритиш тамом бўлгунга қадар ашѐвий 
далиллар тўғрисида қабул қилинадиган қарорлар 
Ашѐвий далиллардан: тез бузиладиган нарсалар, кундалик рўзғорда 
зарур бўладиган нарсалар; уй ҳайвонлари, паррандалар ва боқиш лозим 
бўлган бошқа ҳайвонлар зарур тергов ҳаракатлари ўтказилгач, кечиктирмай 
эгаларига қайтариб берилиши лозим. 
Тез бузиладиган нарсалар ѐки уй ҳайвонлари, паррандалар ва бошқа 
ҳайвонларнинг қонуний эгаси ѐхуд мулкдори номаълум бўлган ѐки бошқа 
сабабларга кўра уларни қайтариб бериш мумкин бўлмаган ҳолларда улар 
қараб туриш ѐки белгиланган мақсадга мувофиқ фойдаланиш учун тегишли 
корхона, муассаса, ташкилотга топширилиши лозим. 

---

211-модда. Жиноят ишини юритиш тамом бўлганлиги муносабати 
билан ашѐвий далиллар тўғрисида қабул қилинадиган қарорлар 
Ҳукмда, шунингдек жиноят ишини тугатиш тўғрисидаги ажримда ѐки 
қарорда ашѐвий далиллар масаласи қуйидаги қоидаларга риоя этилган ҳолда 
ҳал қилинади: 
Олдинги
 таҳрирга қаранг. 
1) гумон қилинувчига, айбланувчига, судланувчига, маҳкумга 
тегишли бўлган жиноят қуроллари мусодара қилиниши керак ва улар 
тегишли муассасаларга топширилади ѐки йўқ қилиб юборилади. Гумон 
қилинувчига, айбланувчига, судланувчига, маҳкумга тегишли бўлмаган мол-
мулк қонуний эгаларига, мулкдорларига ѐки уларнинг ҳуқуқий ворисларига, 
шунингдек меросхўрларига қайтариб берилади. Гумон қилинувчига, 
айбланувчига, судланувчига, маҳкумга тегишли бўлмаган мол-мулкнинг 
қонуний эгалари, мулкдорлари ѐки уларнинг ҳуқуқий ворислари, худди 
шунингдек меросхўрлари аниқланмаган тақдирда, ушбу мол-мулк давлат 
даромадига ўтказилади; 
(211-модданинг 1-банди Ўзбекистон Республикасининг 2017 йил 16 
октябрдаги ЎРҚ-448-сонли 
Қонуни 
таҳририда — Қонун ҳужжатлари 
маълумотлари миллий базаси, 2017 й.) 
2) муомаладан чиқарилган ашѐлар тегишли муассасаларга берилиши 
лозим ѐки йўқ қилиб юборилади; 
3) ҳеч қандай қимматга эга бўлмаган ашѐлар йўқ қилиб юборилади, 
манфаатдор шахслар ѐки муассасалар илтимос қилган ҳолларда эса уларга 
берилиши мумкин; 
4) жиноят ѐки бошқа ғайриҳуқуқий ҳаракатлар содир қилиниши 
натижасида қонуний эгаси ва мулкдоридан маҳрум бўлиб қолган пуллар ѐки 
бошқа бойликлар қонуний эгаларига, мулкдорларига ѐки уларнинг ҳуқуқ 
ворисларига, шунингдек меросхўрларига қайтариб берилиши лозим; 
5) жиноий йўл билан орттирилган пуллар ва бошқа бойликлар 
суднинг ҳукмига биноан жиноят натижасида етказилган мулкий зарарни 
қоплашга ўтказилади, мулкий зарар кўрган шахс аниқланмаган тақдирда, 
давлат фойдасига ўтказилади; 
6) ашѐвий далил ҳисобланувчи ҳужжатлар уларни сақлаш зарурати 
тугагунга қадар ишда асраб турилади ѐки манфаатдор шахсларга ѐхуд 
муассасаларга берилади. 

---