Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 273-moddasi 5-
qismi
bilan kvalifikatsiya qilinadi.
NOTA BENE ! 
Sotish
deganda, giyohvandlik vositalari yoki psixotrop moddalarni haq 
evaziga o‘tkazish tushuniladi. JK 273-moddasi 5-qismida nazarda tutilgan 
jinoyatning tarkibi ko‘p miqdordagi giyohvandlik vositalari yoki psixotrop 
moddalar qonunga xilof ravishda sotilganida vujudga keladi (jinoyat 
tugallangan
deb e’tirof etiladi). 
Subyektiv tomondan 
giyohvandlik vositalari yoki psixotrop 
moddalarni ko‘p miqdorda qonunga xilof ravishda sotish ham 
to‘g’ri qasd
bilan sodir etiladi.
JK 273-moddasi 6-qismida
ushbu moddaning birinchi qismida 
nazarda tutilgan qilmishni sodir etgan shaxs o‘z ixtiyori bilan aybini 
bo‘yniga olib, hokimiyat organlariga arz qilsa va giyohvandlik vositalari 
yoki psixotrop moddalarni topshirsa, uning jazodan ozod qilinishi belgi-
langan. 
Ko‘rsatilgan vositalar va moddalarni 
o‘z ixtiyori bilan topshirish
deganda, shaxsning amalda ularni tasarruf etish imkoniyatiga ega bo‘la 
turib, o‘z ixtiyori bilan ushbu moddalarni hokimiyat organlariga 
topshirishi tushuniladi. 
«Giyohvandlik vositalari yoki psixotrop moddalarni o‘z ixtiyori bilan 
topshirgan shaxs topshirilgan giyohvandlik vositalari yoki psixotrop 
moddalarni tayyorlaganligi, olganligi, shuningdek, ularni saqlaganligi, 
tashiganligi va jo‘natganligi uchun jinoiy javobgarlikdan ozod qilinadi. 
189 

---

Shaxsning giyohvandlik vositalari yoki psixotrop moddalarni iste’mol 
qilishi munosabati bilan tibbiy yordam ko‘rsatishni so‘rab tibbiyot 
muassasalariga o‘z ixtiyori bilan murojaat qilganligi, uni ilgari giyohvand-
lik vositalari yoki psixotrop moddalarni qonunga xilof ravishda olganligi, 
saqlaganligi, tashiganligi va jo‘natganligi, iste’mol qilganligi uchun jinoiy 
javobgarlikdan ozod qilishga faqat bunday murojaat shaxsning bangilikdan 
tuzalish niyati bilan qilingan va uni fosh etilishi bilan bog’liq bo‘lmagan 
hollardagina asos bo‘lishi mumkin».