Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Tayyorlash
deganda, pirovard natijada giyohvandlik vositalari yoki 
psixotrop moddalar hosil qilishga qaratilgan har qanday harakat, 
shuningdek, tegishli ruxsatnomasiz narkotiklarni to‘yintirish va narkotik 
moddaning ta’sir kuchini oshirish maqsadida ularni qayta ishlash va 
tozalash (begona aralashmalardan xoli qilish) tushunilishi lozim. 
Foydalanish uchun tayyor holatdagi giyohvandlik vositalari va 
psixotrop moddalarni surunkali ravishda olishga qaratilgan harakatlar 
ularni ishlab chiqarish hisoblanadi. 
Tayyorlash giyohvandlik vositalari yoki psixotrop moddalarning 
foydalanish uchun tayyor bo‘lgan, hech bo‘lmasa bitta dozasi yaratilgan 
paytdan e’tiboran 
tugallangan
deb e’tirof etiladi.
JK 273-moddasi 1-qismida 
nazarda tutilgan giyohvandlik vositalari 
yoki psixotrop moddalarni 
olish
deganda, ularni sotib olish, boshqa narsa 
va buyumlarga almashtirish, qarzi evaziga yoki hadyaga olish, qarzga 
topib olingan giyohvandlik vositalari yoki psixotrop moddalarni 
o‘zlashtirish, aybdor olgan moddalarining narkotik ekanligini bilgan 
bo‘lsa, yovvoyi holda o‘sayotgan nasha va ko‘knor o‘simliklari yoki 
ularning bo‘laklari, shuningdek, tarkibida narkotik moddasi bo‘lgan 
o‘simlik ekinlarining qo‘riqlanmayotgan qoldiqlarini yig’ib-terib olish 
tushuniladi. 
Giyohvandlik vositalari yoki psixotrop moddalar aybdorning ix-
tiyoriga amalda o‘tgan paytdan e’tiboran olish jinoyati 
tugallangan
deb 
hisoblanadi.
NOTA BENE ! 
Saqlash 
deganda, giyohvandlik vositalari yoki psixotrop moddalarni 
aybdorning egaligida: yonida, binoda, maxfiy yerda va boshqa joylarda 
bo‘lishi bilan bog’liq har qanday qasddan sodir qilingan harakatlar 
tushunilishi lozim. 
182 

---

Giyohvandlik vositalari yoki psixotrop moddalarni qonunga xilof 
ravishda saqlash davomli jinoyat bo‘lgani va qilmish jinoyat qonuni bilan 
qo‘riqlanadigan obyektga uzoq vaqt mobaynida uzluksiz tajovuzda 
ifodalanuvchi bir necha aynan o‘xshash g’ayriqonuniy harakatlardan iborat 
bo‘lganligi bois, u jinoiy qilmish to‘xtatilgan yoki aybdor aybiga iqror 
bo‘lib, arz qilgan paytdan e’tiboran