428
1.
Хўжаликда ички ер тузиш лойиҳаси қаерда кўриб чиқилади ва
ким
томонидан тасдиқланади?
2.
Лойиҳа ҳужжатларининг чизма ва ёзма қисмлари ўз ичига нималарни олади?
3.
Лойиҳанинг лойиҳавий чизмаси ва ҳисоб-тушунтириш хати (баённомаси)
қандай расмийлаштирилади?
4.
Тайёрланган лойиҳа ҳужжатлари кимга берилади?
5.
Хўжаликда ички ер тузиш лойиҳаси қандай амалга оширилади?
6.
Муаллифлик назорати нима ва ким уни амалга оширади?
7.
Қишлоқ хўжалик корхонасига ер тузиш хизмати кўрсатишнинг мазмуни
нималардан иборат?
429
Т ў р т и н ч и б ў л и м
ЕР ТУЗИШДА ИШЧИ ЛОЙИҲАЛАР
XXI боб
ИШЧИ ЛОЙИҲАЛАРНИ ТУЗИШНИНГ ВАЗИФАЛАРИ
,
МАЗМУНИ ВА
УСУЛЛАРИ
1. Ишчи лойиҳанинг вазифалари ва мазмуни
Ишчи лойиҳа - бу ўз ичига ташкилий-ҳудудий, экологик, ижтимоий ва
техник-иқтисодий ечимларни ва қурилиши
капитал харажатларни талаб
этадиган аниқ локал объектлар бўйича смета-молия ҳисоб-китобларини
оладиган, ёзма ва чизма материаллардан иборат ҳужжатдир.
Ер тузишда ишчи лойиҳаларнинг асосий вазифалари ерларни
муҳофазалашга ва уларнинг унумдорлигини оши-ришга, қишлоқ хўжалик
ерларининг ҳудудий жойлашиши-ни яхшилашга ва ишлаб чиқариш
инфратизими
элементла-рини яратишга, бунинг учун зарур пул-моддий,
меҳнат, ме-ханизациялашган ресурсларни ҳисоблашга йўналтирилган тўла
инженерлик, агротехник ва технологик аниқ тадбир-лар ҳисобланади. Айниқса
белгиланган тадбирларни амалга ошириш учун смета-молия харажатларини ва
уларнинг техник-иқтисодий самарадорликларини аниқлаш катта аҳамиятга эга.
Ишчи лойиҳаларни тузиш учун асос бўлиб, олдин тузилган туман ер тузиш
чизмалари, хўжаликлараро ва хўжаликда ички ер тузиш лойиҳалари ҳамда
ерлардан фойдаланиш ва уларни муҳофаза қилиш бўйича бошқа башоратлаш-
лойиҳа ҳужжатлари, аниқ дала изланишлари ва қидирувлари
материаллари
хизмат қилади.
Чизмалар ва хўжаликлараро ва хўжаликда ички ер тузиш лойиҳалари
билан кучли ўзаро алоқада бўлиб ва уларнинг якунловчи давоми ҳисобланиб,
ишчи лойиҳалар
таркиби ва мазмуни бўйича жудаям аҳамиятли принципиал фарқларга эга
бўлишади: лойиҳалаш объектларининг ердан фойдаланишнинг маълум
қисмини эгаллайдиган майдони бўйича нисбатан кичиклиги; лойиҳани
ўзлаштириш муддатининг қисқалиги (бир-икки йил); чуқурлаштирилган дала
изланишлари, ҳудудни ўрганиш ва йирик масштаблардаги топографик тасвирга
олиш; тадбирлар ва лойиҳалаш объектлари турлари бўйича асосланган
смета-
молия ҳисоб-китоблари.
Ишчи лойиҳалар тасдиқланган топшириқ ва лойиҳалаш учун техник
шароитлар асосида, дала изланишлари материаллари тахлилини ҳисобга олиб
ва ҳаракатдаги давлат стандартларига, қурилиш меъёрлари ва қоидаларига,
тармоқларнинг меъёрий ҳужжатларига мос тарзда, фан ва техника ютуқларидан
максимал
фойдаланиб, намунавий ечимларни ва мақсадга мувофиқлиги
амалиётда тасдиқланган лойиҳалардан такрор фойдаланишни максимал қўллаб
тузилади.
430
Ишчи лойиҳаларни тузишда қуйидаги тамойилларга риоя қилинади:
тузилган ер участкасидан ҳамда лойиҳалаш объекти атрофидаги ерлардан
оқилона фойдаланиш ва уни муҳофазалаш учун энг яхши шароитлар яратиш;
ишчи лойиҳада ишланаётган ечимларни ер тузиш чизмаларида,
хўжаликлараро ва хўжаликда ички ер тузиш лойиҳаларида
белгиланган
тадбирлар билан келиштириш;
ишланаётган тадбирларнинг инженерлик, ижтимоий-иқтисодий,
экологик
асосланганлиги ва уларнинг самарадорлиги;
қишлоқ хўжалигида фойдаланишга янги ерларни экологик жиҳатдан
мумкин бўлган даражада ўзлаштириш;
қишлоқ хўжалик маҳсулотларини ишлаб чиқариш учун участканинг
максимал майдонидан фойдаланиш; ноқишлоқ хўжалик заруратларига ерларни
минимал сарфлаш;
ишларни бажаришнинг илғор технологияларини жорий этиш.
Do'stlaringiz bilan baham: