Луғат. Тузувчилар: Абулқосимов Ҳ. П., Абулқосимов М.Ҳ

Варрант
– товар омборлари томонидан товарни сақлаб 
туриш учун қабул қилганлиги тўғрисида берилган гувоҳнома. 
 Васиқа
- қатъий белгиланган шаклдаги ёзма қарз 
мажбурияти 
бўлиб, 
мажбурият 
муддати 
тугаганида 
қарздордан васиқада кўрсатилган суммани тортишувларсиз 
талаб этиш ҳуқуқини беради. Васиқа қатъий расмий ҳужжат 
бўлиб, қонунчиликда белгиланган мажбурий реквизитлардан 
бирининг бўлмаслиги, васиқа кучини йўқотишига олиб 
келади. Шакл нуқтаи назаридан васиқалар оддий ва 
ўтказувчан бўлади.
Ваучер
– 1) халқаро бухгалтерия ҳисобида бухгалтерия 
ҳисоботидаги ёзувни билдиради. Масалан, тўланган счёт-
фактура, тўланган счёт, квитанция ( тилхат); 2) Россияда 
хусусийлаштирилган мулк қийматини ифодаловчи чек. 
 Ведомость
- бирламчи ҳужжат ёки ҳисоб регистри. 
Ведомост йиғма ҳужжат бўлиши ҳам мумкин. Ведомостдан 
бухгалтерия 
ҳисобининг 
ҳамма 
шаклларида 
ҳам 
фойдаланилади. Хўжалик жараёни содир бўлган вақтда 
тузилган ведомост бирламчи ҳужжат ҳисобланади. Йиғма 
ведомост эса, бир нечта бирламчи ҳужжатлар асосида 
тузилади. Унда бирламчи ҳужжатларнинг маълумотлари 
йиғилади ва ҳисоб регистрларида кейинги ёзувларни амалга 
оширишни енгиллаштиради. Йиғма ведомостларни ҳисоблаш 
машиналари ёрдамида тузиш самаралидир. Бухгалтерия 
ҳисобида жамғарма ведомостлари, тўлов қайдномаси, ҳисоб - 
тўлов 
ведомостлари, 
қолиштирма 
ведомостлардан 
фойдаланилади.

 Вексель 
- 
қимматбаҳо қоғоз тури, белгиланган тартибда 
ёзма шаклдаги қарз мажбурияти, ўз эгасига (вексель олувчига) 
вексель берувчидан кўрсатилган пул миқдорини белгиланган 
муддатда гап - сўзсиз тўланишини талаб қилиш ҳуқуқини 
беради. Вексель қарздорлик ҳужжати (нем.қарз айирбошлаш) 
бўлиб, қонун асосида белгиланган қатъий шаклдаги ёзма 
равишда амал қилувчи қимматбаҳо қоғоз тури ҳисобланади. 
Ҳуқуқий жиҳатдан вексель абстракт пул мажбурияти 

---

- 77 - 
ҳисобланади. Векселдан халқаро савдо ва иқтисодий 
ҳамкорлик доирасида қарз ва ҳисоб-китоб ишларини 
расмийлаштирищда фойдаланилади.