Turli kasb egalari, bolalar, homilador va sut emizadigan

Aqliy mehnat kishilarning oziq-ovqat mahsulotlariga bo‘lgan bir
kecha-kunduzlik taxminiy ehtiyoji 
 
Mahsulotlar
Massasi, g 
Mahsulotlar
Massasi, g 
Non 
Yorma va dukkaklilar 
Go‘sht va go‘sht mahsulotlari 
Makaronlar 
Baliq 
Sut mahsulotlari 
Qaymoq 
Pishloq
167 
35 
200 
10 
40 
500 
15 
20 
Tuxum 
Yog‘, shundan: 
sariyog‘ 
o‘simlik yog‘i 
Shakar 
Kartoshka
Sabzavotlar 
Ho‘l mevalar 
1 dona 
20 
15 
70 
385 
300 
200 
Bu narsa o‘z navbatida to‘g‘ri ovqatlanish qoidalarining yanada chuqurroq buzilishiga 
olib keladi. Bunday holatni yaxshilash uchun birdaniga kam non yeyishga o‘tish ancha qiyin. 
Kishi o‘zini bunday yangi tartibga astasekin o‘rgatib borishi kerak. Kuniga 400-500 g non 
iste'mol qiladiganlar bir hafta davomida bu ko‘rsatkichni 300-350 g, ikkinchi va uchinchi 
haftalar davomida 200-250 g atrofida ushlab turishi bilan bemalol bir oy deganda aytilgan 
me'yorga tushib olishi mumkin. Bir vaqtning o‘zida jadvalda ko‘rsatilgan boshqa mahsulotlarni 
tegishli miqdorda qabul qilishga, undagi xilmaxillikni buzmaslikka rioya qilish muhim 
ahamiyatga ega. 
Nonga nisbatan ishtahani cheklash uchun, ovqatlanishdan oldin bodring, pishirilgan 
kartoshka, pomidor, ko‘katlar va mevachevalardan tayyorlangan aralashma, salatlardan yeb olish 
va bir oz sabr qilib, asosiy ovqatni non bilan iste'mol qilishga o‘tish kerak. Shunda nonga 
bo‘lgan ishtaha anchagina “jilovlanadi”. Qayt qilingan salatlardan hoxlagancha yeyaverish 
mumkin, ular juda kam quvvatga ega, shuning uchun energetik muvozanat buzilishiga olib 
kelmaydi va aqliy mehnati bilan bog‘liq ravishda vitaminlarga nisbatan oshadigan talabni 
qondirishda muhim ahamiyat kasb etadi. Aqliy mehnat kishilarida vitaminlar va ayrim 
mikroelementlarga bo‘lgan talabning yuqori bo‘lishini ular faoliyatining juda ko‘p axborotlarni 
qabul qilish va qayta ishlashning gipodinamiya sharoitida amalga oshirilishi bilan tushuntirish 
mumkin. Bunday paytlarda asab va yurak qon tomirlar tizimi juda zo‘riqadi. Ular bunday 
sharoitda ko‘ngildagidek ishlashlari uchun B guruh vitaminlarning me'yoriga nisbatan 25-30%, 
askorbin kislotasi (C vitamini) 30% ziyod qabul qilishlari kerak. Aqliy mehnat faoliyatida 
axborotlarning asosiy qismi ko‘z bilan qabul qilinadi, shuning uchun ularda, ayniqsa, kechasi 
kompyuter va pultlarni boshqarishda, ko‘zlar zo‘riqib ishlaydi. Shu bois bunday hodimlar 
ovqatida A vitamini serob bo‘lgan mahsulotlarga (tuxum, jigar, sariyog‘, baliq yog‘i, ko‘katlar, 
sabzi va b) ko‘proq o‘rin berish kerak. Bu borada kompyuterchilar, pult boshqaruvchilari, ilmiy 
xodimlar, yozuvchilar, o‘qituvchilar, jurnalistlar, idora xodimlari va boshqalarga har gal 
ovaqatlanishdan oldin topilishiga qarab albatta har xil o‘simlik mahsulotlaridan tayyorlangan 
salat iste'mol qilish tavsiya qilinadi. Umumiy ovqatlanish shoxobchalarida, oshxona va 
choyxonalarda ham servitamin taomlar va salatlar tayyorlashga alohida e'tibor berilsa maqsadga 
muvofiq bo‘ladi.