M. A. Xujamberdiyev

133-masalaga javob. 
1. Nosteroid yallig‘lanishga; qarshi beriladigan dorilar davolash 
choralari bo‘libgina qolmay, u to‘g‘ri tashxis qo‘yishga ham yordam beradi. Kasallik 
belgilarining butunlay yo‘qolib ketishi infeksion poliartrit borligini ko‘rsatadi. Bu kasallikda 
giperurekemik dorilar berilmaydi, chunki qonda siydik kislotasining yo‘qligi iodagrali artrit 
yo‘qligini ko‘rsatadi. 4- aminoxinolin preparatlaridan; delagil buyurilsa, u bir necha hafta yoki 
bir necha oydan keyin ta’sir qiladi. Shuning uchun turli sabablarga ko‘ra paydo bo‘lgan 
artritlarda buyurilmaydi. Revmatoidli poliartritda sistemali zararlanish bo‘lmagandagina 
glyukokortikoidlar beriladi. Penitsillin, poliartritning infeksiyali faol davrida (burun, tomoq, 
bronx, o‘pka, siydik yo‘llari kasalliklarida) beriladi. 
 
DORILAR TA’SIRIDA BO‘LADIGAN ASORATLAR
134-masalaga javob.
1. Pnevmoniyasi bor bemorda isitmaning qaytalanishiga 
kasallikning qaytalanishi yoki dorilarga allergik reaksiya sabab bo‘lishi mumkin. O‘pkadagi 
yangi o‘zgarishlar (klinik va rentgenologik) va bemor ahvolining yomonlashishi ham dorilarga 
allergik reaksiya natijasida bo‘lishi mumkin. Ko‘pincha penitsillinga allergik reaksiya bo‘lishini 
esdan chiqarmaslik kerak. Qonda eozinofillarning ko‘payib ketishi allergik belgilarni tasdiqlaydi. 
2. Isitma sababini bilish uchun dori berishni ikki kun to‘xtatib (bu davr ichida bemorning 
ahvoli yaxshilanib, isitmasi normaga tushadi va allergik belgilar kamayadi) turish, qon analizini 
va rentgenologik o‘zgarishlarni kuzatish kerak. Pensillin dozasini kupaytirsak, shoshilgan va 
adashgan bo‘lamiz. 

---

3. Isitma ko‘tarilishi, eozinofillarning ko‘payishi pensillinga allergik reaksiya deb 
qo‘ygan tashxisimizni tasdiqlaydi. 
135-masalaga javob.
1. Bemorni antibiotiklar bilan davolash kerak, yuqori nafas yo‘llari 
yallig‘langanda tetrasiklin qatoridagi (metatsiklin) dorilar berilsa, allergik reaksiya paydo 
bo‘lishi kamayadi. 
2. Bemorda yuqori allergik holat bo‘lganligi uchun allergik reaksiya xavfi yuqoridir. 
Bemorni kasalxonaga yotqizib, vrach nazoratida davolash kerak. Kasalxonaga jo‘natilayotganda 
yo‘llanma varaqasiga avvalgi dorilarga allergik reaksiyasi borligini yozib qo‘yish kerak. Agarda 
bemorga boshqa dorilar (balg‘am ko‘chiruvchilar) beriladigan bo‘lsa, har bir doriga 
sezuvchanligini aniqlash kerak (agar bemorning ahvoli ko‘tarsa), buning uchun 1—2 kun 
o‘tkazib dori berish kerak. Agar allergik reaksiya kuzatilsa, gistaminga qarshi dorilar berilib, 
allergiyasi kamaytiriladi. Bemor kasalxonada ko‘rsatilgan vaqtdan ko‘proq yotadigan bo‘lsa, 
boshqa bemorlar olayotgan dorilar ta’sirida allergiya yana kuchayishi mumkin.