M. DÁWletov, A. DÁWletov, Z. IsMAylova, A. DÁWletova

daqıl
arqayınlıqtıń aqıbetinde jolınan 
qaladı. 
(«E. Q.»)
14-shınıǵıw
. Tekstti kóshiriń. Feyillerdiń astın sızıp, olarǵa 
morfologiyalıq tallaw jasań. Feyillerdiń qaysı meyil, qaysı bette hám 
máhálde ekenin anıqlań. 
Qıslawda
Burınǵı qaraqalpaq awıllarınıń qısta jasaǵan jeri qıslaw 
dep ataladı. Qıslawlar qamıstan, jıńǵıldan, sheńgelden islenedi. 
Olardıń túbi jerge kómilip, ortasınan qıspaq buwıladı. Bul 
qoralar bir qońsınıń qoraları menen ekinshi qońsınıń qoraları 
bir-birine tutastırılıp úlken qora qılınadı. Olar kóshe-kóshe 
boladı. Bunday qalıń qonıslasqan awıldı «bir gúreń awıl» dep 
ataydı. Qoralardıń ishine qara úyler tigiledi. Qıs ayları awıl 
adamları usı qara úylerdiń ishinde ómir keshiredi. 
(Q. A.)
15-shınıǵıw.
 
Berilgen gáplerdi oqıń. Sanlıq, almasıq, ráwishlerdi 
tawıp, olardıń sorawların hám gáptiń qaysı aǵzasınıń xızmetin 
atqarıp kelgenin túsindiriń.
1. Elimizde agrarlıq salaǵa úlken itibar berilmekte. 2. Óz 
waqtında fermerlik háreketine keń jol ashıp berildi. 3. Házirgi 
waqıtta fermerlik háreketi tek ózin, shańaraǵın baǵıw ǵana 
emes, usınıń menen bir waqıtta óziniń aldına uzaq hám 
anıq maqsetler qoydı. 4. Awıllarımız, pútkil elimizdiń búgingi 

---

12
kúni jáne keleshegi ushın juwapkershilikti ózine alıwǵa ılayıq 
bolǵan sheshiwshi siyasiy-jámiyetlik kúshke aylanıp barmaqta. 
5. Bıyılǵı paxta zúráátiniń 90 procentten aslamı joqarı sortlar 
menen jetistirildi. 6. Respublikamızdıń aldınǵı fermer xojalıqları 
paxta zúráátin hár gektar jerden 45 — 50 centnerge deyin jet-
kerdi. 
(«E. Q.»)
16-shınıǵıw.
Gáplerden tolıqlawısh, anıqlawısh hám pısıqla-
wıshlardı tawıp, olardıń qanday sóz shaqapları arqalı bildirilgenin 
anıqlań.
1. Kósheniń eki qaptalındaǵı qıyaban joldıń ústi arman-
berman júrip atırǵan kewilli adamlarǵa tolı. 2. Jańa uyasınan 
shıqqan ay kem-kemnen joqarı kóterilip, jaqtılıǵı artıp baratır-
ǵanday. 
(A.B.)
3. Sizdi ózimizdiń sheshemizdey qádirleymiz. 
4. Olardıń aldında Orazgúl meni quwıp kiyatırǵan shıǵar 
dep, japtıń biyik ırashınan tómenge qaray asıp tústim. 
(J.A.) 
5. Aydos jazıq mańlayın jıyırıp, alaqanına basın qoyıp, bi-
raz otırǵannan keyin tiklendi hám qamırdan qıl suwırǵanday 
jayparaxat gáp basladı. 
(T.Q.)
6. Men bul sózlerge túsinbey, 
awzım ashılıp apama qaradım. 
(G.E.)