O’zbekiston respublikasining soliq kodeksi I bo’lim. Umumiy qoidalar

 
369-modda. Xalqaro shartnomalar bo’yicha ozod 
qilish yoki pasaytirilgan stavkalarni qo’llashning o’ziga xos 
xususiyatlari 
 
Xalqaro shartnoma (bitim) qoidalarini qo’llashning ushbu moddada 
belgilangan tartibi norezidentning ushbu Kodeksning 
363 va 368-moddalarida
nazarda tutilgan daromadlariga nisbatan tatbiq etiladi. 
Soliq agenti soliq solishdan ozod qilishni yoki pasaytirilgan stavkani, agar 
bunday norezident xalqaro shartnoma tuzilgan mamlakat rezidenti bo’lsa, mustaqil 
ravishda qo’llash huquqiga ega. 
Xalqaro shartnoma qoidalari, basharti norezident tomonidan soliq agentiga 
norezidentning rezidentligini tasdiqlovchi hujjat daromadni to’lash sanasidan 
kechiktirmay taqdim etilsa, qo’llaniladi. 
Daromadlar norezidentga dividendlar, foizlar va (yoki) 
royalti
tarzida 
to’langanda, basharti norezident daromadlarni olish uchun haqiqiy huquqqa ega 
bo’lsa, soliq agenti xalqaro shartnomada va ushbu Kodeksning 
7-moddasida 
belgilangan qoidalarda nazarda tutilgan soliq solishdan ozod qilishni yoki 
pasaytirilgan soliq stavkasini qo’llaydi. Soliq agenti norezidentdan mazkur 
norezident tegishli daromadni olish uchun haqiqiy huquqqa egaligi haqida 
tasdiqnomani so’rab olishga haqli. 
Daromadlarni olish uchun haqiqiy huquqqa ega bo’lgan norezidentga ushbu 
moddaning to’rtinchi qismida ko’rsatilgan daromadlarni vositachi orqali to’lashda 
soliq agenti daromadning bunday uzil-kesil (haqiqiy) oluvchisi (egalik qiluvchisi) 
rezidenti bo’lgan davlat bilan tuzilgan xalqaro shartnomada nazarda tutilgan 
soliqdan ozod qilishni yoki uning pasaytirilgan stavkasini qo’llashga, norezident 
tomonidan daromadlarni to’lashga asos bo’ladigan qo’shimcha shartnoma 
(kontrakt) va boshqa hujjatlar vositachi orqali uzil-kesil (haqiqiy) oluvchi (egalik 
qiluvchi) bo’lgan har bir shaxs bo’yicha daromad summasi aks ettirilgan, bunday 
shaxsga oid ma’lumotlar (jismoniy shaxsning familiyasi, ismi, otasining ismi (agar 
u shaxsni tasdiqlovchi hujjatda ko’rsatilgan bo’lsa) yoki yuridik shaxsning nomi); 
rezidentlik mamlakatida soliq ro’yxatidan o’tkazilgan raqami yoki shunga monand 
hujjat raqami (mavjud bo’lgan taqdirda); rezidentlik mamlakatida davlat ro’yxatidan 
o’tkazilgan raqami (yoki shunga monand hujjat raqami) ko’rsatilgan holda, taqdim 
etilgan taqdirda haqlidir. 
Daromadning to’lov manbaida ortiqcha ushlab qolingan soliq, soliq agenti 
tomonidan soliq byudjetga o’tkazilgan taqdirda, halqaro shartnoma (bitim) 
qoidalariga muvofiq daromadning uzil-kesil (haqiqiy) oluvchisi (egalik qiluvchisi) 
to’lov manbaida ortiqcha ushlab qolingan soliqni bunday norezidentga qaytarish 
huquqiga ega. Ortiqcha ushlab qolingan soliqni norezidentga qaytarish ushbu 
Kodeksning 
12-bobi
da nazarda tutilgan xususiyatlar hisobga olgan holda amalga 
oshiriladi. 

---

356 
Norezident tomonidan bitta yoki aloqador loyihalar doirasida xizmatlar 
ko’rsatishdan daromad olingan taqdirda mazkur soliq agenti uchun ushbu moddani 
qo’llash maqsadlarida soliq agenti norezident tomonidan doimiy muassasa tashkil 
etilganligi faktini aniqlaydi, shu jumladan xizmatlar ko’rsatish shartnomasi 
(kontrakti) asosida aniqlaydi. Norezident tomonidan O’zbekiston Respublikasida 
doimiy muassasa tuzilganligi fakti aniqlangan taqdirda, soliq organi O’zbekiston 
Respublikasida norezidentlarning daromadlarini ozod qilish bo’yicha xalqaro 
shartnoma qoidalarini qo’llashga haqli emas.
Soliq agenti soliq organiga taqdim etiladigan hisob-kitobda norezidentga 
hisoblangan (to’langan) va ushlab qolingan, xalqaro shartnoma qoidalariga muvofiq 
soliqni ushlab qolishdan ozod qilingan daromad summasini, foyda solig’i stavkasini, 
shuningdek xalqaro shartnomaning nomini ko’rsatishi shart. 
Soliq agenti tomonidan xalqaro shartnoma qoidalari qo’llanilmagan taqdirda, 
soliq agenti foyda solig’ini ushbu Kodeksda belgilangan tartibda va muddatlarda 
to’lov manbaida ushlab qolishi hamda o’tkazishi shart.