O’zbekiston respublikasining soliq kodeksi I bo’lim. Umumiy qoidalar

4-bob. Ushbu kodeksda qo’llaniladigan asosiy tushunchalar 
31-modda. Ushbu Kodeksda foydalaniladigan tushunchalar 
va atamalar
O’zbekiston Respublikasi qonun hujjatlarining fuqaroviy, oila, mehnat 
to’g’risidagi va boshqa tarmoqlarining ushbu Kodeksda foydalaniladigan 
tushunchalari hamda atamalari, agar ushbu Kodeksda boshqacha qoida nazarda 
tutilmagan bo’lsa, ulardan qonun hujjatlarining mazkur tarmoqlarida qaysi ma’noda 
foydalanilsa, o’sha ma’noda qo’llaniladi. 
Tovarlarni O’zbekiston Respublikasining bojxona chegarasi orqali olib o’tish 
chog’ida soliqlar undirish bilan bog’liq holda yuzaga keladigan munosabatlarda 
ushbu Kodeksda belgilangan tushunchalardan, shuningdek ushbu Kodeks bilan 
tartibga solinmagan qism bo’yicha bojxona to’g’risidagi qonun hujjatlarida 
belgilangan tushunchalardan foydalaniladi.
Ushbu Kodeks maqsadlarida ushbu bobda, shuningdek ushbu Kodeksning 
ayrim soliqlarga bag’ishlangan boshqa bo’limlarida belgilangan tushunchalar va 
atamalar qo’llaniladi. 
32-modda. Jismoniy shaxslar 
O’zbekiston Respublikasining fuqarolari, chet davlatlarning fuqarolari, 
shuningdek fuqaroligi bo’lmagan shaxslar jismoniy shaxslar deb e’tirof etiladi. 
Jismoniy shaxsning yashash joyi bo’yicha O’zbekiston Respublikasi qonun 
hujjatlarida belgilangan tartibda ro’yxatdan o’tgan manzil jismoniy shaxsning 
yashash joyi deb e’tirof etiladi. 
Agar O’zbekiston Respublikasi hududida jismoniy shaxsning yashash joyi 
mavjud bo’lmasa, ushbu Kodeksning maqsadlari uchun uning yashash joyi ushbu 
shaxsning iltimosiga ko’ra, u turgan joyi bo’yicha belgilanadi. Bunda jismoniy shaxs 

---

21 
vaqtincha yashayotgan manziliga ko’ra O’zbekiston Respublikasining qonun 
hujjatlarida belgilangan tartibda qaysi turgan joyi bo’yicha ro’yxatdan o’tkazilgan 
bo’lsa, o’sha joy jismoniy shaxs turgan joy deb e’tirof etiladi.