Kasimova Gulyar Axmatovna Sholdarov Dilshod Azimiddin o’g’li

 
10.6. Ichki nazorat va audit tizimining vazifalari 
 
O’zbekiston Respublikasida huquqiy fuqarolik jamiyatini qurishda moliya va 
moliyaviy nazorat munosabatlari muhim ahamiyat kasb etadi. «Iqtisodiyotni 
yanada erkinlashtirish jarayonini tegishli bozor infratuzilmasi, ya’ni bank tizimi, 
moliya tizimi, g’aznachilik, lizing, auditorlik, sug’urta, injiniring va boshqa 
tuzilmalarni rivojlantirmasdan turib amalga oshirish mumkin emas»
186
.
O’zbekiston Respublikasi Prezidentining 1996 yil 8 avgustdagi 
«Tekshiruvlarni tartibga solish va tekshiruvchi organlarning faoliyatini 
muvofiqlashtirish to’g’risida» 1503-sonli farmoni bilan xo’jalik yurituvchi 
sub’ektlarni tekshiruvchi idoraviy taftish xizmatlarining faoliyati to’xtatildi. Shu 
munosabat bilan vazirliklar, idoralar (O’zbekiston Respublikasi Davlat soliq 
qo’mitasi va Moliya vazirligidan tashqari), kompaniyalar, korporatsiyalar, 
uyushmalarga mavjud taftish xizmatlarini tugatib, ularning tarkibiga kiruvchi 
xo’jalik yurituvchi sub’ektlarda faoliyatni tahlil etishning auditorlik shakllarini 
qo’llash haqida ko’rsatma berildi. 
186
Inson manfaatlari ustuvorligini ta’minlash – barcha islohot va o’zgarishlarimizning bosh maqsadidir. O’zbekiston 
Respublikasi Prezidenti Islom Karimovning 2007 yilda mamlakatni ijtimoiy-iqtisodiy rivojlantirish yakunlari va 
2008 yilda iqtisodiy is-lohotlarni chuqurlashtirishning eng muhim ustuvor yo’nalishlariga bag’ishlangan Vazir-lar 
Mahkamasi majlisidagi ma’ruzasi.//Xalq so’zi. 2008 yil fevral. 

---

402 
«Audit hujjati har xil hujjatlar shakliga ega bo’lishi – auditorlik ma’lumotnomasi, 
auditorlik xulosasi, ekspertiza haqidagi ma’lumotnoma, bildirgi xati, tekshiruvlar 
haqida hisobot va boshqalar bo’lishi mumkin»
187
. Auditning oxirgi bosqichi 
aniqlangan xatoliklar va nomuvofiqliklarni jamlab, yakuniy hisobotni tuzishdir. 
Auditorlik hisoboti yakuniy audit hujjati sifatida qaraladi. Korxona, tashkilot 
rahbariyatiga beriladigan va o’tkazilgan tekshiruv natijalari haqida axborotni 
o’zida saqlaydigan har qanday rasmiy hujjatni auditorlik hisoboti deb tushuniladi. 
Hisobot ichki auditning yozma axboroti asosida tuzilib, unda hisob va hisobotda 
aniqlangan barcha kamchiliklar va xatoliklar haqidagi ma’lumotlar bo’lishi, 
shuningdek, hisobotning ishonchliligiga jiddiy ta’sir ko’rsatishi mumkin bo’lgan 
xatolar va tuzatishlar ajratib ko’rsatilishi lozim. «Yozma axborot ikki nusxada 
to’ldiriladi. Bittasi korxona rahbari va bosh buxgalteriga tanishish hamda, 
e’tirozlar va munozarali masalalarni hal qilish uchun beriladi. Ikkinchisi esa ichki 
audit hisobotini yozish uchun qo’llaniladi va keyinchalik ichki audit xizmati 
arxiviga saqlashga topshiriladi»
188
.