Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Jinoyat kodeksi 240-moddasining 2-qismiga
muvofiq, gumon 
qilinuvchi, ayblanuvchi yoki sudlanuvchining yaqin qarindoshlari 
guvohlik ko‘rsatuvi berishni rad etganligi yoki bundan bo‘yin tovlaganligi 
uchun, shuningdek, guvoh o‘ziga qarshi ko‘rsatuv berishni rad etganda 
javobgarlikka tortilmaydilar. 
13-§. Jinoyat haqida xabar bermaslik yoki uni yashirish
(JK 241-moddasi) 
Jinoyat haqida xabar bermaslik yoki uni yashirishning 
bevosita obyekti
— mazmuni odil sudlovni amalga oshiradigan sud, prokuratura, dastlabki 
tergov yoki surishtiruv idoralarining bir me’yordagi faoliyatidan iborat 
bo‘lgan ijtimoiy munosabatlar. 
Obyektiv tomondan 
JK 241-moddasi 1-qismida nazarda tutilgan 
jinoyat tayyorgarlik ko‘rilayotgan yoki sodir etilgan og‘ir yoki o‘ta og‘ir 
jinoyat haqida aniq bilgani holda xabar bermaslikdan iboratdir. 
NOTA BENE ! 
Xabar bermaslik 
deganda, o‘z faoliyati munosabati bilan yoxud boshqa 
sabablarga ko‘ra qandaydir shaxslar tomonidan og‘ir yoki o‘ta og‘ir 
jinoyatni sodir etishga tayyorgarlik ko‘rilayotganligi yoxud tugallangan 
jinoyatdan xabar topgan shaxsning shu haqdagi axborotni davlat 
hokimiyati, huquqni muhofaza qilish organlariga yetkazmasligini 
tushunish zarur. 
Tayyorlanayotgan jinoyat 
— bu ijtimoiy xavfli bo‘lgan qilmishni sodir 
etishni tayyorlashga qaratilgan harakatlar. Jinoyatga tayyorgarlik ko‘rish 
zarur qurol, portlovchi moddalar, vaziyatni o‘rganish, ishtirokchilarni 
qidirish va hokazolarda ifodalanishi mumkin.
518 

---

Sodir etilgan jinoyat 
— jinoyatning tugallangan tarkibini tashkil 
qiluvchi harakatdir. Sodir etilgan jinoyat kabi, jinoyat sodir etishga suiqasd 
qilish ham sharhlanayotgan modda doirasida ko‘rib chiqilishi kerak.
Tayyorlanayotgani aniq ma’lum bo‘lgan yoki sodir etilgan jinoyat 
haqida ayblanuvchi huquqni muhofaza qilish organlari: surishtiruv, 
dastlabki tergov, prokuratura va sudga xabar bermagan holdagina xabar 
bermaslikni tan olish mumkin. Bunday organlarga xabar berish yozma 
yoki oQzaki; shaxsan yoki vositachi orqali; anonim yoki ochiq tarzda 
amalga oshirilishi mumkin, xabar berishning shakli va turi ahamiyatga ega 
emas. 
Mazkur modda bo‘yicha javobgarlik yuzaga kelishining muhim sharti — 
ma’lumotlar aybdorga aniq ma’lum bo‘lishi lozimligi. 
Shaxsda