Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Subyektiv tomondan 
tovlamachilik 
to‘g‘ri qasd 
bilan sodir etiladi. 
Bunda aybdor jabrlanuvchidan mol-mulkni yoki mulkka bo‘lgan huquqni 
o‘ziga yoki boshqa shaxsga berishni qo‘rqitish bilan talab qilishi 
asoslanmaganligini va g‘ayriqonuniyligini biladi. Aybdor g‘arazli 
motivlarga amal qiladi va ashyoni noqonuniy ravishda qo‘lga kiritish 
maqsadini ko‘zlaydi. 
Jinoyatni sodir etishdan maqsad — 
g‘araz
dir. 
Jinoyatning 
subyekti 
14 yoshga to‘lgan, aqli raso jismoniy shaxsdir. 
Og‘irlashtiruvchi holatlarda sodir etilgan tovlamachilik 
JK
165-moddasi 2-qismida 
nazarda tutilgan hamda u quyidagi kvalifikatsiya 
qilish belgilarini qamrab oladi: 
47 

---

a) takroran yoki xavfli retsidivist tomonidan tovlamachilik sodir etilishi; 
b) ko‘p miqdorda sodir etilishi; 
v) bir guruh shaxslar tomonidan oldindan til biriktirib sodir etilishi. 
Ushbu belgilar JK 164-moddasining sharhida ko‘rib chiqilgan bo‘lib, 
tovlamachilik boshqa hech qanday alohida xususiyatlarga ega emas. 
Faqatgina shuni ta’kidlash o‘rinliki, qilmishni 
JK 165-moddasi 2-qismi 
«v» bandi 
bilan kvalifikatsiya qilishda, tahdidni amalga oshirgan 
shaxsgina tovlamachilikning bajaruvchisi hisoblanadi. 
Tovlamachilikning maxsus kvalifikatsiya qilingan turi 
JK 165-moddasi 
3-qismida 
o‘z aksini topgan va quyidagi belgilardan loaqal bittasining 
mavjud bo‘lishi bilan tavsiflanadi: 
a) juda ko‘p miqdorda; 
b) o‘ta xavfli retsidivist tomonidan; 
v) uyushgan guruh tomonidan yoki uning manfaatlarini ko‘zlab sodir 
etilgan jinoyat. 
Ko‘rsatilgan belgilar bosqinchilik jinoyatining tarkibi tahlil qilinganida 
ko‘rib chiqilgan edi va tovlamachilikka nisbatan ortiqcha farqlarga ega 
emas.