Хумоюн ва Акбар Авлодлар довони (роман). Пиримкул Кодиров Пиримнул Кодиров хумоюн ва акбар

Дар дил хаваси лаъли ту дорам — мастам,
Дар сари ха вас кадди ту дорам — пастам.
Саргашта диле ба тори зулфат бастам,
То дил ба ту басам, аз рам ворастам*.
Форсий тилни нозик товланишларигача яхши биладиган Хамида Хумоюннинг каддига кадди 
пайваста келиб турган пайтда айтилган бу шух, серзавк шеърдан эриб кетди-ю, аввалги 
куркувларини унутди. Хумоюннинг кулогига дудогини якин келтириб:
— Бу шеърнинг завкидан мен хам мастмен! — деди.
Кучга тулган залворли йигит унинг завкдан эриб турган пайтидан фойдаланди. Хамида бону 
ихраб юбормаслик учун тишини-тишига куйди, оловли бир огрик кузларидан учкун булиб 
сочилиб кетди. Назарида ер-у кук зилзила пайтидагидек тебранди. Бу канча вакт давом 
этганини билмайди. Бир вакт елкасидан тог кулаб тушгандай енгил тортди. Йигит огир-огир 
нафас олиб ёнида ётарди. Одат буйича Хумоюн эрта туриб, саропардадан чикиб кетиши, киз 
куни буйи янгалар билан колиб дам олиши, куёв унинг олдига кечкурун коронги тушганда 
кайтиши керак эди. Хумоюн Хамидадан бир лахзага булса хам ажрагиси келмади-ю, аммо 
хизмат килиб юрганлардан уялди, тонг коронгисида чикиб кетганича уч-турт соат давлат 
ишлари билан шугулланди, пешин намозидан сунг хиргохга кириб ухлаб олди.
Кунлар киска эди, хадемай офтоб хам ботди. Рира-шира коронгиликда Хумоюн саропардага 
кириб келар экан, Хамида бонуни бир йил курмагандай согиниб колганини сезди.
Иккови бир ёстикка бош куйганда Хумоюн ундан покиза бир ис — она сутини эслатувчи хид 
келганини сезар, бу гал эр-хотинлик унга факат лаззат эмас, балки булажак фарзанд ва 
булажак она олдидаги мукаддас бурч булиб туюларди. Орадан кунлар утиб, иккови янги хаётга 
ургана бошлаган-да, очилиб гаплашадиган булишди.
— Лахурда мен бир туш курганмен, — деб юрак сирини айтди Хумоюн, — бошдан оёк яшил 
кийим кийган муйсафид кулимга битта хасса берди. «Угил курсанг отини Акбар куйгин», деди. 
«Узингиз кимсиз?» десам, отим Ахмаджон Зиндафил деди. Туш унг келса-ю, зора шу угил 
иккимизники булса, Хамида...
— Мен Аграда ок филни туш курган эдим. Энди билсам... бу сиз экансиз!

---