Яхшиева М. Т. Монетар сиёсат назарияси: Ўқув қўлланма. –Т

 
 
 
 
 

---

10 
1-МАВЗУ. МОНЕТАР СИЁСАТНИНГ НАЗАРИЙ АСОСЛАРИ
1.1.
 
“
Монетар сиёсат назарияси” фанининг предмети, 
мақсад ва вазифалари 
 “
Монетар сиёсат назарияси” фанининг предмети, монетар сиёсатнинг 
назарий асосларини, Марказий банкнинг дисконт, мажбурий захиралар, 
валюта сиёсатини ва очиқ бозордаги операцияларини ҳамда монетар сиёсатда 
қўлланадиган математик моделларини ўрганишдан иборат. Бозор 
иқтисодиёти шароитида миллий хўжаликнинг самарали фаолият юритиши 
учун монетар сиёсат орқали пул муомаласини тартибга солиш муҳим 
аҳамиятга эга. Пул-кредит сиёсати давлат йўли билан молия соҳасини 
тартибга солиш усулларидан бири сифатида жамиятда макроиқтисодий 
барқарорликка эришишга йўналтирилгандир. Макроиқтисодий барқарорлик 
умумий нарх-наво ўсиши суръатларининг пастлиги, ижтимоий хўжаликда 
ишлаб чиқаришнинг барқарор ўсиши, меҳнатга қобилиятли аҳолининг иш 
билан тўлиқ бандлиги, тўлов балансининг қониқарли аҳволдалиги ва миллий 
валютанинг ташқи бозорлардаги барқарорлиги каби кўрсаткичларда акс 
этади. Бу вазифаларни қаттиқ монетар сиёсат юритиш орқали ҳал этиш 
мумкин. 
Монетар сиёсат – Марказий банк томонидан миллий валюта ва нархлар 
барқарорлигини таъминлашда, пул массаси, банк тизимининг ликвидлиги 
ҳамда тўлов балансини тартибга солишда, макроиқтисидиёт ва молиявий 
барқарорликни, иқтисодий ўсишни мустаҳкамлашга йўналтирилган 
воситалар, усуллар ва чора-тадбирлар йиғиндисидир. Монетар сиёсат 
мамлакатда нархлар барқарорлигини таъминлаш асосида иқтисодий ўсишга, 
макроиқтисодий ва молиявий барқарорликка эришиш ва уни янада 
мустаҳкамлашда муҳим ўрин тутади. 
“Монетар сиёсат назарияси” фанини ўқитишдан мақсад–ривожланган 
мамлакатлардаги пул-кредит назариясини, монетар сиёсатнинг назарий 
асосларини ҳамда Марказий банкнинг дисконт, мажбурий заҳиралар, валюта 
сиёсатини, очиқ бозордаги операцияларини ҳамда монетар сиёсатида 

---

11 
қўлланадиган математик моделларини ўргатиш бўйича талабаларда шу 
соҳада назарий ва амалий профессионал билимини шакллантиришдир.