O'zbekiston Respublikasi Oliy va o’rta-maxsus ta’lim Vazirligi Toshkent Davlat stomatologiya institute Buxoro filiali

Bemorlarni umumiy va mahalliy ko’zdan kechirish
. 
Bemorning umumiy ko’zdan kechirish turli xil kasalliklar tashxisi 
uchun muhimdir. Bemor bilan suhbatlashish vaqtida tibbiy xodim bir 
qator o’zgarishlarni ko’zdan kechirishi zarur. Ko’zdan kechirish vaqtida 
ketma-ketlikka amal qilish kerak (bosh, ko’z, yuz, bo’yin, ko’krak 
qafasi, qorin, qo’l va oyoqlar, juft a’zolarni simmetrikligiga ham e’tibor 
berish kerak va h.k.). Ob’yektiv ma’lumotlarga bemorni umumiy 
ko’zdan kechirish ya’ni teri qoplamlari, shilliq qavatlar, teri osti yog’ 
kletchatkasi, mushak, bo’g’im va suyak tizimlari holatini baholash
kiradi. Bemor holatini baholash bilan birga patologik o’zgarishlar yoki 
tushkunlik borligini ham inobatga olish zarur bo’ladi.
Bemorning yuz tuzilishi, yuz rangini hamda gavda tuzilishini, 
so’zlashishiga ham e’tibor qaratmoq lozim. Mazkur ko’rik orqali
ko’pgina ma’lumotlarga ega bo’lish mumkin. Ko’rik jarayonida xona 
haroratining tana haroratiga yaqin bo’lishi, xonada yorug’lik yetarli 
bo’lishi, tibbiyot xodim va bemor qulay vaziyatda bo’lishi hamda 
ularga noqulaylik yaratuvchi omillar bo’lmasligi lozim.
Bemorlar quyidagi reja asosida tekshiriladi: 
Bemorning es 
- 
hushini aniqlash
.
Bemorning es-hushi o’zida 
(berilgan savollarga aniq va ravshan o’z vaqtida javob beradi) yoki 
xiralashgan (berilgan savollarga aniq yoki noaniq bo’lsada kechikib 
javob beradi, reflekslar saqlangan), uyqu holati (kuchli tashqi 
tasirotlarga javob beradi, uyqudan uyg’otganda berilgan savollarga 
aniq yoki noaniq javob beradi, yana uyquga ketadi, reflekslar 
saqlangan) hamda es-hushi o’zida emas (koma), bu holatda tashqi 
tasirotlarga javob yo’q va reflekslar saqlanmagan holatda bo’ladi.
1.
 
Stupor (stupor
). Xotirasi o’zida, tumanlashgan. Mazkur holatda 
bemor atrofidagilarga befarq, savollarga kechikib va qiyinchiliklar bilan
aniq yoki noaniq javob beradi. Barcha reflekslar bemorda saqlangan. 
Tashqi tasirotlarga javob beradi.