Ўзбекистон республикаси олий ва ўрта махсус таълим вазирлиги наманган муҳандислик-педагогика институти каримов Акмалжон Комил ўғли

Битирув малака ишининг мақсади мамлакатни модернизациялаш иқтисодиётни 
рақобатбардошлигини таъминлаш жараёнида саноат корхоналари фаолиятини ривожлантириш, 
ишлаб чиқаришни ташкил этиш ва такомиллаштириш ҳамда унинг самарадорлигини ошириш 
юзасидан илмий – амалий таклиф ва тавсиялар ишлаб чиқишдир. 
Мазкур мақсаддан келиб чиққан ҳолда битирув малака ишида қуйидаги вазифалар 
белгиланди ва ҳал қилинди: 
Самарадорликнинг моҳияти ва унинг корхона фаолиятидаги аҳамияти кўриб чиқилди; 
Корхоналарда ишлаб чиқариш самарадорлигига таъсир этувчи омиллар тахлил қилинди; 
Самарадорлик мезони, кўрсаткичлари ва уларни ҳисоблаш усуллари ўрганилди; 
Корхоналар фаолияти самарадорлигини ошириш бқйича таклиф ва тавсиялар ишлаб 
чиқилди. 
Битирув малака ишининг объекти сифатида “Чуст иахта толаси” акционерлик жамияти 
танланди. 
Битирув малака ишининг назарий ва услубий асосини Ўзбекистон Республикаси 
Президенти И.А. Каримовнинг ижтимоий йўналтирилган бозор иқтисодиёти, иқтисодий 
ислоҳотларни чуқурлаштириш ва мамлакат иқтисодий сиёсатига оид асарлари, Ўзбекистон 
Республикасининг корхоналар фаолиятини тартибга солиш, саноат корхоналари фаолиятини 
ривожлантириш ва бошқарув механизмларини такомиллаштиришга қаратилган қонунлар ва 
меъёрий хужжатлари ҳамда корхоналар самарадорлигини ошириш бўйича хорижий ва маҳаллий 
олимларнинг илмий ишлари ташкил қилади. 
Битирув малака ишининг амалий аҳамияти шундан иборатки, амалда саноат 
корхоналарида самарадорликни бўйича билдирилган фикрлар ва тавсиялардан улар фаолиятини 
истиқболда ривожлантириш ва стратегик режаларини ишлаб чиқишда бозор муносабатлари 
шароитида самарали фаолият юргизиш мақсадида фойдаланиш, Олий таълим муассасаларининг 
“Иқтисодиёт”, “Менежмент” таълим йўналишида таҳсил олаётган талабаларга “Корхона 
иқтисодиёти”, “Ишлаб чиқариш менежменти” фанларини ўқитишда фойдаланиш мумкин.