Мавзу бухгалтерия ҳисоби фанининг мукаддимаси

Ҳисоб ва режа кўрсаткичларининг бирлиги.
Бу бирлик режа кўрсаткичларини ҳисоб 
кўрсаткичлари билан солиштириш ва режа топшириқларининг бажарилиш даражасини аниқлаш 
учун зарурдир. Ундан ташқари, ҳисоб маълумотларидан режа тузишда фойдаланилар экан, бу ўз 
навбатида ҳисоб ва режа кўрсаткичларининг бирлигини хам тақоза қилади. 
Ҳисобнинг аниқ, ва тўгрилиги.
Бу талаб шуни билдирадики, ҳисоб маълумотлари тўгри 
бўлиши, ҳақиқатни тўгри ва аниқ акс эттириши керак. У фақат хўжаликдаги мавжуд ютуқларни
эмас, балки камчиликларни ҳам акс эттириши лозим. 
Хисобнинг оддий ва тушунарли бўлиши.
Хисоб кўрсаткичлари оддий ва кўпчилик учун 
тушунарли бўлиши керак, бу эса хўжаликни бошқаришда ҳар бир ходимга ҳисоб маълумотларидан 
фойдалана олиш имкониятини беради. 
Хисобнинг тежамкорлиги.
Хисобнинг олдига қўйилган бу талабига ҳисоб ишларини узлуксиз 
такомиллаштириш ва соддалаштириш, хисобни олиб боришнинг янги, одилона ва арзон 
усулларини жорий қилиш ҳамда бошқарув аппаратини қисқартириш йўли билан эришиш мумкин. 
Хисоб ишларини ўз вақтида амалга ошириш.
Хисоб хўжалик фаолияти ишлари тўгрисидаги 
керакли маълумотлар билан корхона маъмуриятини уз вактида хабардор килиб туриши керак. 
Шундай қилингандагина корхона фаолиятида рўй берган камчиликларни уз вақтида бартараф 
қилиш ва шу фаолиятни яхшилаш учун зарур бўлган чора-тадбирларни амалга ошириш имконияти 
туғилади. 
Хўжалик ишларига раҳбарлик ва назорат олиб бориш учун ҳамма ишларини ҳисобга олиш 
мақсадида миқдорий ифодалаш ва сифат жиҳатдан тавсифлаш зарурдир. Шунинг учун ҳисоб 
маълумотлари сон кўрсаткичларида ифодаланади. Хўжалик ҳисобини юритищда натура, меҳнат ва 
пул ўлчов бирликлари ишлатилади. 
Натура ўлчови
ҳисобга олинаётган нарсанинг ҳаракатини, масалан, материал, маҳсулот ва 
бошқаларни натура ҳолида ифодалаш учун хизмат қилади (кг, метр, куб, дона ва х.к.). натура ўлчов 
бирликлари моддий қийматликларни ҳисоблаш, тортиш ва ўлчаш натижасида олинган 
маълумотларни ҳисобга олиш, уларнинг миқдор ва сифат ўзгаришлари устидан назорат олиб бориш 
учун қулланилади.