Ўзбекистон миллий университети ҳузуридаги илмий даражалар берувчи dsc

Тадқиқотнинг амалий натижалари
қуйидагилардан иборат:
 
Фарғона водийси вилоятларида аҳолининг ҳудудий жойлашуви, унинг 
ўсиш суръатидаги ўзгаришлар ифодаланган районлаштириш картаси ГАТ 
технологиясида ишлаб чиқилган; 
Андижон, Наманган ва Фарғона вилоятлари, демографик районлар 
аҳоли сони, салмоғи, туғилиш, ўлим, никоҳ, ажралиш, ёш-жинсий 
таркибининг 2040 йилгача бўлган прогнози, демографик жараёнлар ва улар 

---

8 
билан боғлиқ ҳудудий муаммоларни олдини олиш борасида таклиф ва 
тавсиялар ишлаб чиқилган. 
Тадқиқот натижаларининг ишончлилиги. 
Ўзбекистон Республикаси 
Давлат статистика қўмитаси ва Андижон, Наманган ва Фарғона вилоятлари 
статистика бошқармалари маълумотларидан фойдаланилганлиги, асосий 
натижалар республика ва халқаро миқёсдаги конференция материаллари 
тўпламлари, ОАК рўйхатидаги махсус журналлар ҳамда хорижий илмий 
журналларда мақолалар чоп этилганлиги билан асосланади ҳамда тадқиқот 
натижасида ишлаб чиқилган карта, хулоса, таклиф ва тавсиялар амалиётга 
жорий этилганлиги, олинган натижаларнинг ваколатли ташкилотлар 
томонидан тасдиқланганлиги билан изоҳланади. 
Тадқиқот натижаларининг илмий ва амалий аҳамияти. 
Тадқиқот 
натижаларининг илмий аҳамияти Фарғона водийси вилоятлари демографик 
жараёнлари, аҳолининг никоҳланиш жараёни ва туғилиш коэффициенти 
ўртасидаги корреляция динамикаси асосланганлиги, демографик районлар 
аҳолиси 2040 йилгача прогнози “ёшни силжитиш” методи орқали ишлаб 
чиқилганлиги, “геодемографик тўлқинлар” ва демографик ривожланишнинг 
келажак параметрлари очиб берилганлиги билан изоҳланади. 
Тадқиқотнинг амалий аҳамияти Фарғона водийси вилоятлари 
демографик дастурларини ишлаб чиқишда, демографик жараёнларни 
баҳолашда, никоҳ ва ажралишларга оид муаммоларни ҳал этишда муҳим 
манба бўлиб хизмат қилади. Шунингдек, олий таълим тизимининг тегишли 
йўналишларида ўқув жараёнини самарали ташкил этишга хизмат қилади.