Узбекистон согликни саклаш вазирлиги

Касалхона қурилиши системалари: 
Даволаш-профилактика муассасалари қурилиши бўйича қуйидаги турларга 
бўлинади: 
 А)
Марказлашган қурилиш системаси. 
Бу қурилиш системасида касалхонанинг барча функционал бўлимлари 
битта кўп қаватли ѐки икки-учта 3-4 қаватли бир-бири билан боғланган 
биноларда жойлашади. Бу эса иқтисодий жихатдан тежамли бўлиб,
функционал-диагностика бўлимидан барча бўлимлардаги беморларнинг 
фойдаланиши қулай, мутахассис врачларнинг ўзаро маслаҳатлашиш 
имкониятини енгиллаштиради. Бироқ, турли хил функционал бўлимларни, 
яъни маъмурий-хужалик бўлими, ошхона, дорихона, даволовчи бўлимларни 
битта бинода жойлашишини гигиеник нуқтаи назардан тўғри ва қулай деб 
бўлмайди. Беморларни кўришга келган барча шахслар билан мулоқот 
қилиши кўпаяди, беморлар атрофдаги табиий-соғломлаштирувчи омиллардан 
тўлик фойдалана олмайдилар, бу эса ўз навбатида, касалхонада даволаш-
муҳофаза тартибини ва санитар тартибни ўрнатиш ва унга риоя килишни 
қийинлаштиради. Марказлашган системада касалхоналарни зичлиги юкори 
бўлган йирик шаҳарларда кўриш мақсадга мувофиқдир. 
Б)
Марказлашмаган курилиш системаси.
Касалхонадаги хар бир бўлим алохида 1 қаватли биноларда 
жойлаштирилади. Гигиеник нуқтаи назардан бундай турдаги касалхоналар 
анча қулай, чунки бунда беморларни изоляция қилиш учун, даволаш-
муҳофаза тартибини сақлаш учун яхши, тинч шароитлар бор. Улар табиий-
даволовчи омиллардан ( қуѐш, очиқ ҳаво) фойдаланадилар. Бу эса
хасталикдан тез тузалишга имкон беради. Лекин бу қурилиш системасининг 
хам ўзига яраша камчиликлари бор. Қурилишнинг моддий жихатдан 
қимматга тушиши (бир неча фундаментлар қуйилиши, коммуникация 
тармоқларининг хар бинога алохида ўтказилиши ва бошқалар), ер майдонинг 
катталашиши,айрим даволаш-диагностика бўлимларининг қайтарилиши, 
беморларни ошхона иссиқ овқати билан таъминланишини қийинлашиши
( овқатнинг совуб қолиши) кабилардир.