Зиѐвуддин Раҳим, Одилхон қори Юнусхон ўғли

“Кейин мен: “Парвардигорингиздан мағфират сўранг. Албатта У 
ўта мағфиратли Зотдир. 
(Шунда)
У Зот устингизга осмондан ѐмғир қуйдиради, сизларга мол-дунѐ, 
бола-чақа билан мадад беради, сизларга боғу бўстонлар, оқар дарѐлар 
(ато)
қилади”, дедим”
(“Нуҳ” 
сураси, 10-12-оятлар).
Бу оятни инкор этмаймиз, ундаги ҳар бир сўз ҳақ эканига шубҳа қилмаймиз. Бироқ Иброҳим 
алайҳиссалом айтганларидек, қалбимиз қаноат ҳосил қилиши учун унинг тасдиғини ҳаѐтимизда кўришни 
хоҳлаймиз. Бинобарин, Халилуллоҳ алайҳиссалом – Аллоҳ таолонинг қайта тирилтиришига шубҳа 
қилмаганлари ҳолда – бу иш қандай бўлишини кўрсатишни сўрагандилар (Қаранг: “Бақара” сураси, 260-
оят). 
Иброҳим алайҳиссалом Аллоҳнинг қудрати чексиз эканига, ўликларни тирилтириш Унинг учун 
қийин эмаслигига ишончи комил бўлатуриб, мазкур саволни беришига боис – жавобини бошқалар ҳам 
эшитиб баҳраманд бўлишлари эди. Шунингдек, эшитиш билан ҳосил қилинган билимга мушоҳада (кўриш) 
ҳам қўшилса, инсон қалбидаги таскин, барқарорлик зиѐда бўлади. Истиғфор айтиб, унинг тасдиғини 
кўрарканман, менинг ҳам кўнглимда хотиржамлик ортиб борди, олдин ҳеч тугамасдек туюлган ташвишлар 
унчалик қўрқитмай қўйди, рўзғоримга барака кирди, ризқ эшиклари кенг очилди. 
Шу даражадаки, дугонам иккимиз 72 минг марта истиғфор айтганимиздан кейин моддий неъмат 
келишига кўникиб қолдим. Навбатдагисини тугатгач, дуо қилдик. Кейин ҳазил аралаш: “Ҳар гал дуодан 
кейин “кирим” бўларди. Бугун эса маош оладиган кун эмас, мукофот олишга ҳам баҳона йўқ. Энди нима 
бўларкин?” дедик бир-биримизга. Чунки ҳар гал тасдиғини кўраѐтганимиз илоҳий ваъданинг бу гал ҳам 
амалга ошишига имонимиз комил, Аллоҳ таоло натижани гўзал тарзда кўрсатишига маҳтал эдик. Дуодан 
кейин ярим соат ўтар-ўтмас бир устозимиз йўқладилар, байрамга бир неча кун бор бўлишига қарамай 
иккимизга “ҳайитлик” улашдилар... 
Шугина эмас. Дилда ѐруғ умид бор – карами кенг Зот “истиғфор”ларимизни қабул қилиб, билиб-
билмай қилган гуноҳларимизни кечириши умиди. Ўзи бу борада ҳам ноумид қилмагай, иншааллоҳ
17
”.