Internet xizmatlarini taqdim etish va tarifikatsiyalash

oldindan ogohlantirishlarsiz to‘xtatib turiladi.
1.2.12. Agarda Abonent tomonidan Internetga kirish xizmatlari uchun belgilangan hisob-kitob 
sanasida to‘lov amalga oshirilmasa, xizmatlar “To‘lovni kutish” holatiga o‘tkaziladi, 
Abonentning hisob-kitob davri uchun abonent to‘lovi to‘langan sanaga suriladi. Shuningdek, 
joriy hisob-kitob davri mobaynida tarif rejasi o‘zgargan yoki “Xizmat zaxirasi” qo‘shimcha 
xizmati yoqilgan hollarda hisob-kitob sanasi boshqa kunga o‘tkazilishi mumkin. 
Misol uchun: Agarda abonentning hisob-kitob sanasi har oyning
5 sanasiga belgilangan bo‘lsa va keyingi oyning 5 sanasiga qadar to‘lov amalga oshirilmasa, 
xizmatlar o‘chirib qo‘yiladi. Pul mablag‘i 8 sanada to‘langanda, xizmatlarni taqdim etish qayta 
tiklanad va bunda, kelgusi hisob-kitob sanasi har oyning 8 sanasiga o‘zgaradi.
1.2.13. Agar Abonent uchun kalendar oyining oxirgi kunlarida Internet tarmog‘iga kirish 
imkoniyati ochilgan bo‘lsa va keyingi kalendar oyida ushbu sanalar bo‘lmasa, ushbu oyning 
oxirgi kuni hisob-kitob sanasi sifatida qabul qilinadi. 
Misol uchun: Agarda Abonentga Internet tarmog‘iga kirish imkoniyati 30 yanvar kuni taqdim 
etilgan bo‘lsa, keyingi abonent to‘lovi 28 yoki
29 fevral kuni (kalendar yiliga qarab) yechib olinadi. Kelgusida, agar Abonent tomonidan 
to‘lovlar o‘z vaqtida amalga oshirilsa, bundan keyingi hisob-kitob davri uchun abonent to‘lovi 
30 mart kuni yechib olinadi.
1.2.14. To‘liq hisob-kitob davri davomida Abonent “To‘lov kutilmoqda” maqomida bo‘lganda, 
Abonentga bitta hisob-kitob davrida xizmat zaxirasi uchun to‘lov belgilanadi. Agarda ikkinchi 
hisob-kitob davrida to‘lov amalga oshirilmasa, Abonentga ikkinchi hisob-kitob davrida xizmatlar 
zaxirasi uchun to‘lov belgilanadi. Ikki hisob-kitob davriga teng muddat tugaganidan so‘ng, 
Operator Abonent egallab turgan tarmoq resurslarini keyinchalik bo‘shatgan holda Shartnomani 
bir tomonlama bekor qilish huquqini o‘zida saqlab qoladi. 
1.2.15. Xizmat zaxirasi uchun to‘lov hisoblanishi va yechib olinishi Abonent tomonidan Internet 
tarmog‘iga ulanish xizmati qayta tiklanganda amalga oshiriladi. 
1.2.16. Xizmatni to‘xtatib turish chegarasi 0 so‘mga teng (agar tarif rejasi shartlarida boshqacha 
tartib nazarda tutilmagan bo‘lsa). Shaxsiy hisob raqamdagi summa Xizmatlarni to‘xtatib turish 
uchun o‘rnatilgan chegaraga teng miqdorga yetganda, Operator ushbu xizmatni avvaldan 
ogohlantirmagan holda to‘xtatib qo‘yish huquqiga ega. 
1.2.17. Abonent tomonidan Shaxsiy kabinetda, Mobil ilova orqali yoki Sotuv va xizmat xizmat 
ko‘rsatish ofisida faollashtirilgan Asosiy xizmat bilan bog‘liq bo‘lgan Qo‘shimcha xizmatlar 
Abonentning shaxsiy hisob raqamidan billing tizimida avtomat ravishda hisobdan chiqariladi. 
1.2.18. Shaxsiy kabinetda abonentlarga amalga oshirilgan to‘lovlar tarixi va telekommunikatsiya 
xizmatlari uchun pul mablag‘lari yechib olinganligi, Internet-trafik qoldig‘i (trafik cheklangan 
tarif rejasidan foydalanilganda), Internet-sessiyalari va boshqa maʼlumotlar haqida batafsil 
maʼlumot beriladi.