Ўзбекистон республикаси ахборот технологиялари ва коммуникацияларни ривожлантириш вазирлиги тошкент ахборот технологиялари университети

 
Масштабланадиган адреслаш схемаси 
 
IP протоколнинг 6-версиси IP тармоқларни адреслаш тизимига туб 
ўзгаришларни киритди (RFC 2373). Аввало, бу адрес разрядини 
кенгайтиришга таллуқли бўлди. 
IPv6 адрес 128 бит ёки 16 байтдан иборат. Бу катта миқдордаги 
тугунларни рақамлаштириш имконини беради: 
340 282 366 920 938 463 463 374 607 431 762 211 456 
Аввалги 2 даражали адрес иерархияси ўрнига (тармоқ рақами ва тугун 
рақами) IPv6 да 4 даража мавжуд бўлиб, улардан 3 таси тармоқларни 
идентификация қилишга, биттаси эса тармоқ тугунларини идентификация 
қилишда фойдаланилади. Адресдаги иерархия даражаларини сонининг 
ортиши ҳисобига янги протокол CIDR технологиясини муваффақиятли 
равишда қўллаб-қувватлайди. Такомиллаштирилган гуруҳли адреслаш 
тизими ва янги турдаги адресларни жорий қилиш сабабли IP нинг янги 
версияси маршрутизация ҳаражатларини камайтириш имконини беради. 
Шунингдек, ташқи ўзгаришлар ҳам юз берди – стандарт ишлаб 
чиқарувчилари ўнлик рақамлар ўрнига IP-адресни ўн олтилик рақамлар 
кўринишида ёзишни таклиф қилдилар. Ҳар бир ўн олтилик рақамлар бир-
биридан икки нуқталар билан ажратилади. Масалан, IPv6 адрес қуйидагича 
кўринишга эга бўлиши мумкин: 
FEDC:0A98:0:0:0:0:7654:3210 
Агар адресда бир неча ноллар кетма-кет келса, адресни қисқартириб 
ёзиш мумкин. Масалан, юқорида келтирилган адресни қуйидагича ёзиш 
мумкин: 
FEDC:0A98::7654:3210 
Икки нуқта (::) кўринишидаги қисқартириш адресда фақат бир марта 
фойдаланилиши мумкин. Шунингдек, адреснинг бошидаги нолларни 
тушириб қолдириш мумкин, масалан, FEDC:0A98::7654:3210 нинг ўрнига 
FEDC:A98::7654:3210 деб ёзиш мумкин. 
IРv4 ва IPv6 – иккала протоколларни қўллаб-қувватловчи тармоқлар 
учун кичик 4 баётлар учун IРv4 да анъанавий бўлган ўнлик рақамларни ёзиш 
мумкин: 0:0:0:0:0:FFFF:129.144.52.38 ёки ::FFFF:129.144.52.38. 

---

111