Loyiha O‘zbekiston respublikasi adliya vazirligi toshkent davlat yuridik universiteti

Nazorat savollari: 
E’tibor qiling! 
So‘roq jarayonida ovoz yozib olishni quyidagi 
tartibda olib borish maqsadga muvofiq: 
1. Tergovchi ovoz yozib olinishi to‘g‘risida so‘roq qilinuvchilarga 
so‘roqni boshlashdan oldin ma’lum qiladi va uni bayonnomada qayd 
qiladi. Ovozning yozib olinishiga so‘roq qilinuvchining roziligi talab 
qilinmaydi. Tergovchi so‘roq qilinuvchiga ovoz yozishning nima 
uchun kerakligi, uning ahamiyati va tartibi to‘g‘risida batafsil 
tushuntirib bermog‘i lozim. 
2. Fonogrammada so‘roq qilish muddati va joyi ko‘rsatiladi, 
shuningdek, so‘roq boshlangan va tamom bo‘lgan vaqt, so‘roq 
ishtirokchilarining ismi, otasining ismi va familiyasi yoziladi. 
3. Fonogramma so‘roqning ayrim qismlarini emas, balki butun 
protsessini aks ettirishi kerak. 
4. So‘roq tugagach, ovoz yozish tasmasi boshdan qayta qo‘yiladi. 
So‘roq qilinuvchi eshitib bo‘lgach, haqiqatdan ham to‘g‘ri ekanligi 
haqidagi bayonotiga qo‘l qo‘yadi.
5. Agarda fonogrammada tergov harakati jarayonida to‘g‘ri 
ko‘rsatuvlar olish maqsadida boshqa taktik usullardan foydalanilgan 
bo‘lsa, tergovchi bu haqda tegishli hujjatda qayd qilib qo‘yadi. 

---

291 
1. 
So‘roq o‘tkazishning psixologik asoslarini tushuntirib bering. 
Jabrlanuvchi, guvohlarni, gumon qilinuvchi va ayblanuvchilarni so‘roq 
qilish taktikasi bir-biridan qanday farqlanadi?
2. 
So‘roq qilish qanday bosqichlardan iborat? So‘roq natijalarini 
protsessual rasmiylashtirish tartibini tushuntirib bering. 
Kazuslar: 
 
1-kazus 
O‘g‘irlik jinoyati yuzasidan hodisa joyi ko‘zdan kechirilganda 
xonadondan barmoq izlari topilgan. Daktiloskopik ekspertiza ushbu 
barmoq izlari gumonlanuvchi SH.ga tegishli ekanligini aniqladi. So‘roq 
jarayonida A. o‘zini jinoyat sodir bo‘lgan joyda bo‘lmaganligini bayon 
qildi. Tergovchi dalil sifatida daktiloskopik ekspertiza xulosasini 
ko‘rsatishga qaror qildi. 
Ushbu holatda qanday so‘roq qilish taktikasini qo‘llash lozim. 
So‘roq qilinuvchiga mavjud dalillarni ko‘rsatish tartibi va chegarasini 
aniqlang. So‘roqni o‘tkazish va rasmiylashtirish tartibini bayon qiling. 
2-kazus 
Olmazor tuman Ziyolilar ko‘chasida Yo‘l harakati hodisasi
sodir bo‘ldi. Yo‘l harakati hodisa yuzasidan tergov harakatlari olib
borilishi natijasida guvoh Rashidov S va guvoh Olimov N.ning
ko‘rsatuvlari bir biriga zid ekanligi aniqlandi va hodisa yuz
berganligi yuzasidan noaniqliklar vutsjudga keldi.
Ushbu holatda yo‘l harakati hodisasi haqiqatda qanday sodir
bo‘lganligi va guvohlarning qaysi birining ko‘rsatuvi to‘g‘riligi
yuzasidan qanday so‘roq qilishning qanday usullaridan foydalanish
lozim? Mazkur holat yuzasidan yuzlashtirish tergov harakatlari
qanday tartibda o‘tkaziladi?