Loyiha O‘zbekiston respublikasi adliya vazirligi toshkent davlat yuridik universiteti

 
E’tibor bering! 
Kriminalistik taktikaning 
eng muhim qoidalari
jumlasiga quyidagilar kiradi: jinoyatlarni tergov qilish chog‘idagi 
tergov harakatlarining oqilona taktik usullari; kriminalistik taktik 
harakatlar va operatsiyalar; jinoyatlarni tergov qilishni rejalashtirish 
va tezkor-qidiruv xodimlari bilan tergovchining o‘zaro hamkorligi; 
jinoyatlarni tergov qilishda jamoatchilik va ommaviy axborot 
vositalarining yordamidan foydalanish; jinoyatlarni tergov qilishda 
gumon qilinuvchilar, ayblanuvchilar va jinoyat protsessi boshqa 
ishtirokchilarining shaxsini o‘rganish; jinoyatlarni tergov qilishda 
maxsus bilimlardan foydalanish; tergovchining jinoyatlarni oldini 
olishga doir faoliyati. 

---

170 
Kriminalistik taktika tizimi 
 
Kriminalistik taktikaning hozirgi vaqtga kelib shakllangan tizimi 
o‘zaro bog‘liq 
ikki
qism
dan tashkil topgan.
1.
Kriminalistik taktikaning umumiy qismi.
Umumiy qoidalar – kriminalistika mazkur bo‘limining mohiyati va 
tergov faoliyatini tashkil etishga doir bilimlarni o‘z ichiga oluvchi ilmiy 
asosidir. Kriminalistik taktikaning umumiy qoidalari o‘z navbatida 
ikkita kichik qismlarga bo‘linadi: 
a)
kriminalistik taktikaning paydo bo‘lishi, rivojlanishi va 
zamonaviy holatiga doir bilimlarni birlashtiruvchi ilmiy muammolari: 
kriminalistik taktikaning paydo bo‘lishi va rivojlanish tarixi, 
kriminalistik taktikaning predmeti, tizimi, vazifalari, manbalari, 
prinsiplari, kriminalistik taktikaning ilmiy bilimlar tizimida tutgan o‘rni 
va hokazo. 
b)
tergov faoliyatini tashkil etishning ilmiy asoslari: tergov 
faoliyatini tashkil etish to‘g‘risidagi kriminalistik ta’limot; jinoyatlarni 
tergov qilishni rejalashtirish, tergovchilarning tezkor xodimlar bilan 
o‘zaro hamkorligi, tergov faoliyatida jamoatchilik va ommaviy axborot 
vositalaridan foydalanishni tashkil etish, jinoyatlarning oldini olishga 
doir faoliyatni tashkil etish, taktik usullar va tavsiyalar to‘g‘risidagi 
kriminalistik ta’limot, taktik operatsiyalar, tergov vaziyatlari, taktik 
echimlar, tergovchilar mehnatini ilmiy asosda tashkil etish va hokazo.