O‘zbekiston respublikasining jinoyat kodeksi umumiy qism birinchi bo‘lim umumiy qoidalar I bob. Jinoyat kodeksining vazifalari va prinsiplari

152-modda. Urushning qonun va udumlarini buzish
Tinch aholini yoki harbiy asirlarni qiynash, jismonan qirib yuborish, tinch aholini majburiy ishlarga yoki
boshqa maqsadlarda haydab ketish, xalqaro huquq bilan taqiqlangan urush olib borish vositalarini qo‘llash,
shaharlar va aholi yashash joylarini behuda vayron qilish, mulkni talon-toroj qilish, shuningdek, bunday
harakatlarni qilishga buyruq berishda ifodalangan urush qonun va udumlarini buzish —
Oldingi tahrirga qarang.
o‘n yildan yigirma yilgacha ozodlikdan mahrum qilish bilan jazolanadi.
(152-moddaning sanksiyasi O‘zbekiston Respublikasining 2001-yil 29-avgustdagi 254-II-son Qonuni tahririda —
Oliy Majlis Axborotnomasi, 2001-y., 9-10-son, 165-modda)
 LexUZ sharhi
Qo‘shimcha ma’lumot uchun qarang: “Xalqaro qurolli nizolar qurbonlarini himoya qilishga oid 1949-yil 12-
avgustdagi Jeneva konvensiyasiga qo‘shimcha protokol”, O‘zbekiston Respublikasi Oliy Kengashining 1993-yil 3-
sentabrdagi 946-XII-son “Urush qurbonlarini himoya qilish to‘g‘risidagi Jeneva konvensiyasi hamda Xalqaro va xalqaro
xaraktyerga ega bo‘lmagan qurolli nizolar qurbonlarini himoya qilish to‘g‘risidagi Jeneva konvensiyasiga Qo‘shimcha
protokolga qo‘shilish haqida”gi qarori.
153-modda. Genotsid
Genotsid, ya’ni milliy, etnik, irqiy yoki diniy mansubligiga qarab, bir guruh shaxsning jismonan to‘la
yoki qisman qirilib ketishiga olib keladigan turmush sharoitini qasddan yaratish, bunday shaxslarni jismonan to‘la
yoki qisman qirib yuborish, bola tug‘ilishini zo‘rlik bilan kamaytirish yoxud bolalarni ana shu odamlar guruhidan
olib, boshqasiga topshirish, shuningdek, bunday harakatlar sodir etish to‘g‘risida buyruq berish —
Oldingi tahrirga qarang.
o‘n yildan yigirma yilgacha ozodlikdan mahrum qilish bilan jazolanadi.
(153-moddaning sanksiyasi O‘zbekiston Respublikasining 2003-yil 12-dekabrdagi 568-II-son Qonuni tahririda —
Oliy Majlis Axborotnomasi, 2004-y., 1-2-son, 18-modda)
 LexUZ sharhi
Qarang: O‘zbekiston Respublikasi Oliy Majlisining 1999-yil 20-avgustdagi 835-I-son “Genotsid jinoyatining
oldini olish va bunday jinoyat uchun jazo to‘g‘risidagi konvensiyaga qo‘shilish haqida”gi qarori.