´збекистон республикаси солиµНИ

 
Мавзу 4: Дорихонага келтирилган товарлар ҳисоби. 
РЕЖА: 
 
1.
Ўзбекистон Республикаси Вазирлар Маҳкамасининг «Ўзбекистон Республикасида 
бухгалтерия ҳисоби ва ҳисоботи тўғрисида»ги Низом. 
2.
Хўжалик жараёнларини ҳужжатлаштириш. 
3.
Таъминотчилардан қабул қилинган моддий бойликларни ҳужжатлар асосида 
расмийлаштириш.
4.
Моддий бойликларни қабул қилишда баҳолаш тартиби.
5. Товар ҳаракатининг бухгалтерия ҳисоби 
Ҳозирги вақтда Ўзбекистон Республикаси бўйича мулкчилик шаклидан қатъий назар 
барча дорихона ташкилотларда Ўзбекистон Республикаси Вазирлар Маҳкамасининг 
«Ўзбекистон Республикасида бухгалтерия ҳисоби ва ҳисоботи тўғрисида»ги Низомни 
тасдиқлаш ҳамда «Бухгалтерия ҳисоби счетлар тизимини такомиллаштириш хақида»ги 1994 
йил 26 март 164-сонли қарорига асосан тасдиқланган ҳисобварақалар режаси жорий қилинган. 
Юқоридаги қарорга асосан Ўзбекистон худудида бухгалтерия ҳисобини ташкил қилишнинг 
умумий қоидалари, хўжалик жараёнларини ҳужжатлаштириш ва уларни бухгалтерия 
ҳисобида акс эттириш каби қоидалар ўз ифодасини топган. 
Бухгалтерия ҳисоби қонунлар, давлат идоралари томонидан тасдиқланган стандартлар, 
низомлар, йўриқномалар асосида юритилади. Бухгалтерия ҳисобининг асосий вазифаларидан 
бири моддий бойликларни тўғри ҳисобга олишни таъминлашдир. 
Корхоналарда бухгалтерия хисобини тегишлича ташкил этиш учун корхона молиявий-
хўжалик фаолиятининг бухгалтерия хисоби счётлари режаси ҳамда ҳар бир счёт тавсифланган 
ва уларга доир счётларнинг намунавий корреспонденцияси берилган режани қўллаш бўйича 
йўриқномадан тўғри фойдаланиш катта аҳамиятга эга хисобланади.Бухгалтерия хисобини 
миллий андозаларини амалга татбиқ этиш ва бу борадаги ишларни янги боскичга кўтариш 
мақсадида бухгалтерия счётларининг янги режаси ишлаб чиқилди. "Хўжалик юритувчи 
субъектлар молиявий-хўжалик фаолиятининг бухгалтерия хисоби счётлари режаси ва уни 
қўллаш бўйича йурикнома" номли 21-сон БҲМА Ўзбекистон Республикасининг "Бухгалтерия 
хисоби тўғрисида"ги қонуни 5-моддасига биноан ишлаб чиқилган. 
Хўжалик юритувчи субъектлар молиявий-хўжалик фаолиятининг бухгалтерия хисоби 
счётлари режаси асосида хўжалик жараёнлари бухгалтерия хисоб – варақлари ишчи режасини 
тузадилар ва у хўжалик юритувчи субъектнинг хисоб сиёсатида акс эттирилади.