Гистология цитология ва эмбриология проф. Қ. Р. Тўхтаев таҳрири остида

 
 
 
 
Расм 17.4. Буйрак таначаси
 
(схема). Филтрацион тўсиқ. 1- 
подоцит; 2- цитотрабекула; 3- 
фильтрацион тирқишлар; 4- 
гломеруляр 
капилляр; 
5- 
фильтрацион 
мембрана: 
а- 
базал мембрана; б- эндотелий; 
6- висцерал варақ тирқишлари.
 
 
Шумлянский - Боумен капсуласининг 
париетал варағи 
ҳужайралари 
ясси бўлиб, ядро жойлашган соҳада ҳужайра танаси қалинлашади. 
Капсуланинг нефроннинг проксимал бўлимига ўтиш жойида ҳужайралари 
бир оз баландлашади ва кубсимон эпителийни ташкил этади ва нефроннинг 
проксимал эгри-бугри найлари эпителийсига давом этади. 
Нефроннинг проксимал бўлими
узун - эгри-бугри ва қисқа тўғри 
найчадан иборат бўлиб, диаметри 60 мкм гача бўлади. Проксимал бўлимнинг 
Шумлянский - Боумен капсуласига туташган қисмида ҳужайралар кубсимон, 
проксимал бўлимнинг эгри-бугри қисмида цилиндрсимон, тўғри қисмида - 
ясси шаклга эга бўлади. Проксимал найчаларнинг эгри-бугри қисми 
эпителийси бир қаватли цилиндрсимон (ѐки призматик) 
жиякли 
ва 
базал 
бурмали ҳужайралардан 
иборат. Электрон микроскоп остида жиякли хошия 
микроворсинкалардан иборат эканлиги кўринади. Микроворсинкалар 
бирламчи сийдикнинг қонга қайта сўрилишини, яъни реабсорбциясини 
таъминлайди. Улар орқали бирламчи сийдикдан қонга кичик молекуляр 
массага эга бўлган оқсиллар, глюкоза, электролитлар ва сув қайта сўрилади. 
Жиякли ҳужайралар цитоплазмасида протеолитик ферментларга бой бўлган 
лизосомалар кўп бўлади. Пинотцитоз йўли билан бирламчи сийдикдан 
ҳужайра цитоплазмасига ўтган оқсиллар лизосомал ферментлар таъсирида 
аминокислоталаргача парчаланади ва улар қонга сўрилади. Проксимал бўлим 
ҳужайраларининг базал плазматик мембранаси текис бўлмай, бурмалар ҳосил 
қилади. Бу бурмалар орасида кўп миқдорда бурмаларга параллел ҳолда 
митохондриялар ѐтади. Митохондрияларда электролитларни боғловчи 
сукцинатдегидрогиназа (СДГ) ферменти ишлаб чиқарилади, шунинг учун 
улар электролитлар, ва улар кетидан сувнинг қайта сўрилишида муҳим ролъ 
ўйнайди. Жиякли ҳужайраларнинг яна бир хусусиятларига уларнинг 
цитоплазмасида ишқорий фосфатазанинг фаоллиги юқорилиги ҳисобланади. 
Ушбу фермент глюкозанинг қайта сўрилишида муҳим аҳамиятга эга.
Хуласа 
қилиб 
айтганда, 
нефроннинг 
проксимал 
эгри-бугри 
каналчаларида қонга оқсил ва углеводларнинг тўлиқ бир томонлама, сув ва 

---

минерал тузларнинг қисман икки томонлама қайта сўрилиши амалга 
оширилади. Натижада проксимал бўлимда кўп моддаларнинг қонга қайта 
сўрилиши натижасида бирламчи сийдик таркиби кескин ўзгаради.