Гистология цитология ва эмбриология проф. Қ. Р. Тўхтаев таҳрири остида

эндосомал бўлма (компартмент) 
томон сурилади. Ҳужайра юзасига яқин 
жойлашиши 
(илк эндосома)
ѐки цитозолда чуқурроқ жойлашишига 
(кеч 
эндосома)
қараб транспорт пуфакчаларининг динамикадаги турли 
ўлчамлари, шакли ва таркиби юзага келади. Барча эндосомаларнинг 
мембранаси АТФ энергиясини сақлайди. Эндосомалар ичидаги молекулалар
(лиганд-рецептор комплекслари) тақдири турлича бўлиши мумкин. Рецептор 

---

ва лигандлар аввал кечки эндосомаларга, сўнг парчаланиш учун 
лизосомаларга ўтиши мумкин. Эндосомадаги рецептор ўз лигандидан 
ажралгандан сўнг, яна ҳужайра мембранасига қайтиб келиши ва қайтадан 
ишлатилиши 
мумкин 
(рециркуляция). 
Масалан, 
паст 
зичликдаги 
липопротеинларнинг рецепторлари бир неча маротаба ишлатилиши мумкин. 
Лигандлар ҳам ҳужайрада ўз вазифасини ўтагач, яна ташқи муҳитга қайтиб, 
қайта ишлатилиши мумкин. 
Илк эндосомаларнинг
асосий вазифаси 
эндоцитоз йўли билан кирган оқсилларни саралаш ва қайта ишлаш 
ҳисобланади. Эндоцитоз пуфакчаларининг, яъни илк эндосомаларнинг, 
кўпчилиги рецепторлар ва лиганддан озод бўлгач, яна ҳужайра мембранасига 
қайтиб, плазмолемма билан бирлашиб кетиши мумкин. Аммо уларнинг 
анчагина қисми ҳужайра цитоплазмасига янада чуқурроқ ботиб кириб, Голжи 
комплекси ва эндоплазматик тўр компонентлари билан алоқа қилади. 
Натижада эндосоманинг кимѐвий таркиби ўзгаради, ички муҳити суст 
кислотали (pH < 6.0) бўлади. Бундай эндосомалар 
кеч эндосомалар
деб 
аталади ва уларга лизосома ҳосил бўлишининг илк босқичи 
(прелизосома)
сифатида ҳам қаралади. Кеч эндосомалар Голжи комплексига ўтиб, 
ферментлар билан бойиши ва ҳақиқий лизосомаларга айланиши ѐки шу 
ердаги янги ҳосил бўлган лизосомалар билан бирлашиши мумкин.
Расм 2.4. Экзоцитоз ва эндоцитоз жараѐнларининг схематик тарзда 
кўриниши. 

---

Кўпгина моддалар ва макромолекулалар (ўсиш омиллари, баъзи токсинлар 

ва вируслар)