«институционал иқтисодиёт»

4. 
Мулк-сармоя.
Мулк-имтиёз ҳолатида бўлгани каби мулк-корхона ўз эгасига 
қўшимча маҳсулотни ўзлаштириб олиш ҳуқуқини беради. Албатта, энди ушбу 

---

69 
маҳсулот ортиқча маҳсулотда эмас, балки қўшимча қиймат – корхона хўжалик 
фаолиятининг харажатлари ва натижалари ўртасидаги фарқ шаклида намоён бўлади. 
Мулк-сармоя пайдо бўлиши билан хўжайиннинг роли капиталист ва менежер, 
тақсимлаш жараёнини назорат қилувчи иқтисодий агент ҳамда ишлаб чиқариш 
жараёнининг ўзининг ташкилотчиси ролларига бўлинади.
Капиталист.
Сармоя эгаси хўжайин сингари қўшимча қиймат олишдан 
манфаатдор. Лекин ишчи кучини ишлаб чиқариш воситалари билан бирлаштириш 
эмас, балки сармояни тўғри сарфлаш капиталист учун ушбу қийматни олиш усули 
ҳисобланади.
Менежер.
Капиталистга менежер – ишлаб чиқариш жараёнининг раҳбари, 
хўжайин функциясини бажарувчи, лекин мулкни йўқотиш хатарига эга бўлмаган 
иқтисодий агент қарама-қарши туради. 
Менежернинг ижтимоий-иқтисодий роли ва ёлланма ходимнинг роли 
ўртасида ўта муҳим фарқ мавжуд. Ходим ўз ишчи кучини – меҳнат қобилиятини, 
менежер эса ишлаб чиқариш фаолиятини ташкил қилиш бўйича хизматни сотади. 
Битим тузилгач, ходим ижрочига, менежер эса корхона раҳбарига айланади. 
Менежер даромадининг асосини у раҳбарлик қиладиган корхона фаолиятининг 
натижалари учун мукофот ташкил қилади.
5. 
Мулк-бизнес.
Тадбиркор.
Мулк миқдори «қиймат» деган мавҳум тушунчага 
айланган шароитда саҳнага янги шахс – тадбиркор ва янги мулк объекти – бизнес 
чиқади. Чунки нафақат меҳнат, ер ва сармоя, балки фаолиятнинг алоҳида тури – 
тадбиркорлик ҳам «қийматни яратиш» хусусиятига эга. Шахсий бойиш масаласини 
ҳал этаётиб тадбиркор муносиб ижтимоий миссия иқтисодий фаолият 
самарадорлигини оширишни амалга оширади. У топган янги қарорлар аста-секин 
ижтимоий нормага айланади. Лекин янги қарорлар – бу нафақат янги имкониятлар, 
балки янги хатарлардир. Бир вақтнинг ўзида мулкдор ва тадбиркор сифатида 
иштирок этувчи мулкдор-сармоядор қисмларга ажрала бошлайди. Шу тариқа 
тадбиркор аста-секин мулкдордан ажралиб чиқади. Унда ҳатто ўзининг, мулкдордан 
алоҳида мулк объекти – бизнес пайдо бўлади.
 Сармоядор
. 
Тадбиркорнинг ўзга мулкка бўлган талаби сармояни ижтимоий 
қадр-қиммат - қийматга эга бўлган чекланган ресурсга айлантиради. Бир вақтнинг 
ўзида тадбиркорлик фаолиятидан воз кечган ва ўзга тегишли чекланган ресурс – 
сармоядан фойдаланиш ҳуқуқини тўлов эвазига сотувчи сармоядор-мулкдорнинг 
ижтимоий-иқтисодий роли пайдо бўлади. Сармоядорнинг шахсий мақсади мулкдан 
(сармоядан) олинадиган даромадни кўпайтиришдан иборат.