Radio jurnaliSTİKA

İcraçı prodüser və radiostansiyanın menecmenti
İcraçı prodüser radio işinin iki aspektini birləşdirməlidir 
– dinləyicilərlə əlaqə, təmas və tapşırıqların yerinə 
yetirilməsi. Diqqəti təkcə dinləyicilərin üstündə 
cəmləmək yaxşı münasibət yarada bilər, bəs o zaman 
işin keyfiyyəti necə olsun? Digər halda isə bütün fikri 
tapşırığa yönəltmək də elə bir iş mühiti yaradar ki, 
orada heç kim tab gətirə bilməz. Özünü heyətin bir 
hissəsi sayan və bundan zövq alan insanlar tərəfindən 
işin icra edilməsi yayımın menecment üslubunda 
balansın (tarazlığın) olmasını göstərir. 
Tapşırıqlar dedikdə dörd məqam nəzərdə tutulur: 
1. Stansiyadan kənarda insanlarla lazımi əlaqələri 
qurulması;
2. Radioya yeni və istedadlı əməkdaşların cəlb 
olunması, onlara təlimlərin keçirilməsi; 
3. Büdcənin hazırlanması;
4. Stansiyanın idarə edilməsi, verilişin gündəmdə 
saxlanılması. 
Menecmentin faydalı olması üçün dörd cəhətə diqqət 
yetirilməlidir:
1. Məqsədin dəqiqliyi. 
2. Məqsədə çatmağın yolların dəqiqliyi. 
3. Komanda ilə iş birliyi. 
4. İrəliləyişlərin monitorinqi və əks əlaqənin 
qurulması. 
Radionun İnternet səhifəsi

---

83
VIII BÖLÜM
RADİO PROQRAMLAŞDIRMA VƏ EFİRİN İDARƏ OLUNMASI /
PROQRAMLAŞDIRMANIN ÖNƏMİ
PROQRAMLAŞDIRMANIN ÖNƏMİ
Qərb ölkələrində bəzi müəlliflər yаyımın 
prоqrаmlаşdırılmаsını “аuditоriyаnın qаvrаyışının 
idаrə еdilməsi, mikrоrеjissurа və mikrоmоntаj” 
аdlаndırırlаr. Hər bir rаdiоstаnsiyаnın yаyımı kоnkrеt 
prоqrаmlаşdırmа əsаsındа аpаrılır və düşünülmüş 
prоqrаmlаşdırmа işi həmin stаnsiyаnın yаyım 
siyаsətini, bütövlükdə yаrаdıcılıq kоnsеpsiyаsını əks 
еtdirir.
Dinləyicilərin nəyin nə zaman baş verdiyini bilməsi 
üçün bütün yayım radiostansiyalarına verilişlərin 
proqramı - yayın axışı lazımdır. Radio planlaşdırma 
konseptini kəşf etməklə bu problemin həllinə nail 
olmuşdur. Efirə gedəcək verilişlərin planlaşdırılması 
və düzümü efir fəaliyyətinin əsasını təşkil edir. 
Radiostansiyanın məhsullarının kökündə məhz 
planlaşdırma durur. Ona görə də proqramların 
tərtibi zamanı ona təsir edən sosial-mədəni amillər 
nəzərə alınmalıdır. Proqramlaşdırmanın səmərəli 
həlli auditoriyanın öyrənilməsi, tamaşaçı marağının 
nəzərə alınması, eləcə də ictimai sərvətin meyarı 
sayılan asudə vaxt və bu vaxtın bölgüsündə televiziya 
proqramlarının yeri haqqında dürüst məlumatla 
bağlıdır.
Proqramlaşdırma hər hansı stansiyanın yayım 
konsepsiyasını əks etdirir. Bu, ilk növbədə, cəmiyyətin 
qəbul etdiyi dəyərlərə hörmətin aşılanmasını hədəf 
götürməlidir. Mürəkkəb yaradıcı iş sayılan bu proses 
o zaman uğurla nəticələnir ki, bir-biri ilə qarşılıqlı 
münasibətdə olan prinsiplər kompleksi həmişə 
nəzərə alınsın və elmi müddəalara əsaslansın. 
Bu komplekslərdən danışarkən, ilk növbədə,