Х. Т. Турсунов, Т. У. Рахимова

49 -расм. Экологик фаолият имкониятлари(18) 
Узлуксиз экологик таълим қуйидагича бўлмоғи зарур: 1- босқич – 
оилада ва мактабгача таълим муассасаларида; 2-босқич мактаб-академик 
лицей ва касб-ҳунар коллежларидаги экологик таълим; 3-босқич – олий ўқув 
юртларидаги таълим; олий таълимдан кейинги босқич – кадрларни қайта 
тайёрлаш ва мунтазам равишда малакасини ошириб бориш; олий босқич - 
аспирантура, докторантура. 
Ўзбекистонда «Табиатни муҳофаза қилиш тўғрисида»ги қонунда 
«...барча таълим муассасаларида экологик таълим мажбурий» деб 
белгиланган. Ўрта мактаб, лицей ва коллежларда экология бўйича алоҳида 
фан ўқитилиши зарурдир. Бу барқарор ривожланиш учун таълимнинг 
асосини ташкил қилиши лозимдир. БМТ барқарор ривожланиш учун 
таълимни 2005-2014 йиллар давомида хар бир мамлакатда амалга оширишни 
режалаштирган.
XXI аср-экология асри бўлиши шубҳасиздир. Ҳар бир инсон она 

---

116 
сайёрамиз табиатига зиён етказмасдан ўзгартириши, табиий бойликлардан 
оқилона фойдаланиши ва яшаш муҳитини сақлашдек муқаддас ишга ўзининг
муносиб ҳиссасини қўшиши лозимдир. 
Назорат саволлари ва топшириқлар 
 
1.
Инсоннинг табиатга таъсирининг ҳозирги замон босқичи 
хусусиятларини тушунтиринг.
2.
Экологик билимларни ривожлантириш зарурияти сабабларини 
очиб беринг.
3.
Барқарор ривожланиш тушунчасининг вужудга келиш шарт-
шароитларини тушунтиринг.
4.
Биосфера барқарорлигини нима таъминлайди? 
5.
Барқарор ривожланиш бўйича қандай конференциялар ўтказилган 
ва уларда қандай хужжатлар қабул қилинган?
6.
Ўзбекистонда барқарор ривожланишни таъминлаш бўйича қандай 
ҳужжатлар, қарорлар мавжуд? 
7.
49-расмни таҳлил қилинг. Яшайдиган жойингиздаги экологик 
муаммолар ва уларни ҳал қилишда, атроф- муҳит масалалари 
бўйича қарорлар қабул қилишда иштирокингиз ҳақида маъруза 
тайёрланг.
8.
Яшайдиган жойингиз (шаҳар, қишлоқ, туман)ни экологик барқарор 
ривожлантириш масалаларини ўрганиб чиқинг ва реферат ёзинг.