Pulatov istam

3.5. Restoranda ko‘rsatiladigan informatsion xizmatlar 
Informatsion xizmatlar barcha korxona va tashkilotlarda amalga oshiriladi. 
Hozirgi vaqtda informatsion xizmatlar to‘g‘ri yo‘lga qo‘yilgan va har bir mijoz 
o‘zi uchun yetarli axborotlarga ega bo‘lishlari mumkin. 
Barcha informatsion tizimlar telekommunikatsiya tizimlari, ya’ni audio-, 
video- va boshqa informatsiya ko‘rinishlarini turli elektromagnit jarayonlar 
yordamida uzatish imkoniyati bilan bog‘liq tizimlar tushuniladi. 
Restoranda telekommunikatsiya tizimlari va jihozlari bilan jihozlanishi 
restoran faoliyatiga zamonaviy informatsion texnologiyalarni tadbiq etish 
vazifasini hal qilishga imkon beradi. 
Mehmondo‘stlik sohasida informatsion texnologiyalaridan foydalanishi 
nafaqat texnikaviy taraqqiyot talablari bilan, balki birinchi navbatda restoran 
mahsulotini o‘ziga xosligi bilan belgilanadi. Biznes nuqtai nazaridan restoran 
mashg‘uloti xizmat, restoran majmuasi esa xizmatlarni ishlab chiqaruvchi va 
taqdim etuvchi korxona hisoblanadi. Bu yerda sotuv ob’ekti xizmatlar haqidagi 
informatsiya, ya’ni ularni mavjudligi, sifati, narxi hisoblanadi. Restoran 
xizmatlarini paypaslab ko‘rish yoki o‘lchash mumkin emas. Iste’molchi bu 
xizmatlar haqida faqat informatsiya olishi mumkin. Shuning uchun informatsiya 
restoran xizmati ko‘rsatish sohasida markaziy ob’ektga aylanadi va muhim 
ahamiyatga ega. 
Informatsiyalarga quyidagi yuqori talablar qo‘yiladi: ishonchligi, aniqligi, 
tezkorligi, ko‘p funksiyaliligi, ishlov berish va uzatishni katta tezligi, 

---

49
egiluvchanligi va boshqalar. Ushbu talablar kompyuter informatsion tizim 
doirasida amalga oshirilishi mumkin. 
Restoranda alohida kompyuterlar, videokommunikatsiyalar va dasturlarni 
emas, balki o‘zaro bog‘langan kompyuter va informatsion texnologiyalarni bir 
butun tizimidan foydalanish amalga oshiriladi. 
Mehmondo‘stlik sohasida informatsion texnologiyalarni tatbiq etilish bir 
necha bosqichlarda amalga oshiriladi: