К. М. Рафиков – Ўзбекистон касаба уюшмалари Федерацияси раиси

жисмоний ҳолати ва 
соғлик даражаси 
ҳисобланади. Ҳар бир киши тўла- тўкис ҳаёт кечириш ва 
ўзи танлаган меҳнат фаолияти соҳасида ишлай олиши учун муайян соғлик 
ҳамда жисмоний ри- вожланиш даражасига эга бўлиши керак. Ушбу 
кўрсаткич шахснинг жисмоний имкониятлари, қуввати ва салоҳиятини 
белгилайди. Айнан ушбу имкониятларгина ишлаб чиқаришни ташкил 
этиш, самарали бошқариш ва иқтисодиётни юритиш учун асос бўлиб 
хизмат қилади. 
Аҳоли ва меҳнат потенциалининг 
малака ва касбий маҳорат 
кўрсаткичи, бир томондан, ходимнинг доимий равишда мураккаблашиб 
борувчи иш вазифаларини бажаришга, касб фаолияти ўзгаришига 
тайёрлиги, иккинчи томондан, хизматга муносабатни, меҳнат интизомини, 
меҳнатнинг интенсивлигини шакллантирувчи омил ҳисобланади. Ушбу 
кўрсаткич ходимнинг йиллар давомидаги меҳнат фаолияти, амалий 
тажрибалари ва назарий билимлари асосида шаклланади. Малака ва 
маҳоратнинг юқори кўрсаткичи ишчининг ўз мутахассислигини яхши 
эгаллагани, касбий тайёргарликка эгалиги ва замонавий талабларга жавоб 
бера олиш қобилиятларидан да- лолат беради. Ушбу омил орқали 
жамиятда янги ютуқларга эришиш ва юқори марраларни забт этиш мумкин 
бўлади
Ходимнинг 
тадбиркорлик қобилияти 
унинг яратувчанлик ва 
янгиликка интилиб ишлашини англатувчи кўрсаткичдир. Ушбу фазилатга 
эга ишчилар даромад олиш йўллари ва манбааларини яхши ўзлаштирган 
бўлиб, бизнес юритиш бўйича етарли билим соҳибидирлар. Шунингдек, 
тадбиркорлик қобилияти ташаббускорлик ва янги ғояларнинг вужудга 
келишини таъминлайди. Корхона стратегиясини ишлаб чиқариш, унинг 
келгуси режаларини белгилаш ва ишлаб чиқаришнинг янги турларини 
жорий этишда ушбу хусусиятга эга кишилар меҳнатидан фойдаланиш ўз 
самарасини беради. 
Шундай қилиб, меҳнат потенциали - жамиятнинг меҳнат соҳасидаги 
имконият қувватлари демакдир. Меҳнат потенциали жисмоний имконият, 
маълумот, касбкор, малакага эга, ишлаб чиқаришда иштирок этишга 
лаёқатли бўлган барча фуқароларни ўз ичига олади. Меҳнат потенциали 
энг фаол, энг бунёдкор омил бўлиб, у мамлакатнинг ислоҳот ва туб 
ўзгаришлар йўлидан тинимсиз илгарилаб боришини таъминлайди. 
Жамиятнинг иқтисодий ва ижтимоий тараққиёт даражаси билан 
белгиланувчи мазкур омил, ўз навбатида, уни ривожлантиришда ҳал 
қилувчи асос ҳисобланади.