O’zbekiston respublikasi xalq ta’limi vazirligi a. Qodiriy nomidagi jizzax davlat pedagogika instituti tarix fakulteti

 
O’quv fanining maqsadi va vazifalari 
Fanni o’qitishdan maqsad 
- talabalarni to’g’ri fikrlashning mantiqiy shakllari va 
qonun-qoidalari bilan tanishtirish va shu asosida ularda murakkab mantiqiy masalalar va 
mashqlarni yechish malakasini mustahkamlash, umuman, mustaqil va erkin tarzda fikr 
yuritish qobliyatini takomillashtirishdan iborat. 
Fanning vazifalari
: 
- talabalarning mantiqning asosiy masalalari – tushuncha, mulohaza, xulosa 
chiqarish, isbotlash, gipoteza qurish kabilarni o’zlashtirishiga erishish; 
- obyektiv borliq hodisalarini ilmiy – falsafiy tahlil qilishning tushunchalar 
apparatini egallashga va undan foydalanishga yordam berish; 
- mantiqning formallashgan tilini chuqur o’rganish; 
- mulohazalar mantig’i va predikatlar mantig’ining konseptual vositalaridan 
samarali foydalanishga erishish; 
- talabalarga bahs yuritish, munozara qilish, isbotlash va rad etishning usullari va 
qoidalarini tushuntirish, ularda ilmiy ishonch – e’tiqodning shakllanishiga ko’maklashish; 
- ilmiy bilimlarning mantiqiy shakllari, xususan muammolarni yaratish, farazlarni 
qurish va asoslash, ilmiy terminlar va qonunlarni shakllantirish, ilmiy nazariya 
qurishning mantiqiy mexanizmlarini o’rganishga erishish. 
Fan bo’yicha talabalar bilimlari, malaka va ko’nikmalariga 
qo’yiladigan talablar 
Mantiq o’quv fanini o’zlashtirish jarayonida amalga oshiriladigan masalalar 
doirasida bakalavr: 
- formal mantiqning xususiyatini anglab yetishi; 
- zamonaviy mantiqning formallashgan tilini egallagan bo’lishi, undan turli xil fikriy 
qurilmalarni ifodalash va tahlil qilishda samarali foydalanishi; 
- ilmiy tushunchalarni va terminlarni hosil qilishning, mulohazalarni to’g’ri 
qurishning mantiqiy usullarini bilishi va amalda qo’llay olishi; 
- xulosaviy bilimlar hosil qilish, dalillash, muammolarni qo’yish va hal etish, 
farazlarni ilgari surish va asoslash, ilmiy nazariyalarning mantiqiy strukturasi to’g’risida 
aniq tasavvurga ega bo’lishi; 
- muhokama yuritish jarayonida yo’l qo’yilgan mantiqiy xatolarni aniqlay olishni 
va tuzatishni bilishi; 
- mantiqiy fikrlashning konun-qoidalari va shakllari to’g’risidagi bilimlarni 
egallagan bo’lishi; 
- ilmiy ijodning mantiqiy negizlarini yaxshi bilishi; 
- mustaqil fikrlash qobiliyatini rivojlantirishi; 

---

29 
- o’z faoliyati davomida turli masalalar bo’yicha zarur qarorlarini qabul qila 
oladigan bo’lishi; 
- muammolarni aniqlay olishi, yechishi; 
- farazlarni ilgari sura bilishi va asoslay olishi kerak.