O’zbekiston respublikasi oliy va o’rta maxsus ta’lim vazirligi samarqand davlat universiteti geografiya va ekologiya fakulteti ekologiya kafedrasi

 
2. Atamalar, ta’riflar, qisqartmalar 
Mazkur standartda O’zbekiston Respublikasining «Ta’lim to’g’risida»gi Qonuni, Kadrlar tayyorlash Milliy 
dasturi hamda oliy ta’lim sohasidagi xalqaro hujjatlarga mos ravishda atamalar va ta’riflardan foydalanilgan. 
Kasbiy faoliyat turi
– ta’lim yo’nalishiga o’zgartishlar kiritish maqsadida kasbiy faoliyat obyektiga ta’sir 
qilishning metodologiyasi, metodlari va tavsifi. 
Kompetensiya
– ma’lum sohada muvaffaqiyatli faoliyat yuritish uchun bilimlar, amaliy malakalar va 
shaxsiy sifatlarni qo’llash qobiliyati. 
Mutaxassislik
– muayyan kasbiy faoliyat doirasidagi turli darajadagi ta’lim dasturlari majmui; 
Kasbiy faoliyat obyekti
– voqyea, jarayon va faoliyat doirasida harakatga yo’naltirilgan tizim. 
Kasbiy faoliyat sohasi
– ilmiy, ijtimoiy, iqtisodiy, ishlab chiqarishda namoyon bo’ladigan kasbiy faoliyat 
obyektlari majmui; 
Bakalavriatning asosiy ta’lim dasturlari (bakalavriat dasturi)
–
talabalarning tarbiyasi va tayyorgarlik 
darajasi sifatini ta’minlashga yo’naltirilgan o’quv reja, o’quv kursi dasturlari, malakaviy amaliyot dasturi, o’quv 
jarayoni jadvali va ularga mos ravishdagi ta’lim texnologiyalarini amalga oshirilishini ta’minlovchi o’quv-metodik 
majmualar. 
Fan –
ijtimoiy xarakterga ega bo’lgan ilmiy bilim tizimi.
 
Ta’lim –
bilim berish, malaka va ko’nikmalar hosil qilish jarayoni, kishini hayotga va mehnatga 
tayyorlashning asosiy tizimi. 
Uzluksiz ta’lim
- ta’limning barcha turlarini qamrab oluvchi, malakali raqobatbardosh kadrlar 
tayyorlashning asosi bo’lib, u davlat ta’lim standartlari, kadrlar tayyorlash tizimi tuzilmasi va uning faoliyat 
ko’rsatish muhiti.
 
Ekologiya – 
organizmlarning o’zaro va ularni o’rab turuvchi atrof tabiiy muhit bilan bo’ladigan o’zaro 
aloqadorlik qonuniyatlarini o’rganuvchi fan sohasi, unga oid bilimlarni beruvchi ta’lim yo’nalishi va unga oid 
ijtimoiy munosabatlarni muvofiqlashtirishga qaratilgan amaliy faoliyat tarmog’i.