Kasbim-kelajagim

Bilmasvoyni tanlagan bo‘lsangiz... 
Siz qiziqqon va ehtirosli insonsiz. Tezkor, juda harakatchansiz. Dovyurak va 
tashabbuskorsiz. Sizning kayfiyatingiz tez-tez o‘zgarib turadi. Shunday bo‘lsada, 
ustun kayfiyatingiz – tetik va jangovordir. Ba’zida o‘zingizni tuta olmaysiz, sabrsiz 

---

va jizzakisiz. Xafachi emassiz, gina saqlamaysiz. Qaysarsiz. Ba’zida o‘zingizni 
boshqalardan ustun qo‘yish hissi Sizga xos. Odamlar bilan muloqotda qo‘pollikka, 
serzardalikka yo‘l qo‘yasiz, bu esa odamlarning xatti-harakatlarini to‘g‘ri baholashga 
xalaqit beradi va bu asosda Siz ko‘pincha ziddiyatli vaziyatlarga sababchi bo‘lib 
qolasiz. Ortiqcha to‘g‘riso‘zligingiz, jizzakiligingiz, qo‘polligingiz, jahlingizning tez 
chiqishi, betoqatligingiz ba’zida muomalani juda og‘irlashtiradi. Sizning 
qiziqishlaringiz va intilishlaringiz yetarlicha barqaror, maqsadga erishish yo‘lida juda 
sabotli va mustahkamsiz. Bahslarda topqirsiz. Yangi sharoitlarga tez moslashasiz . 
Shu bilan birga Sizga qo‘nimsizlik, bir joyda uzoq o‘tira olmaslik, o‘zgalarning 
kamchiliklariga chiday olmaslik kabi xislatlar xos, tez o‘zingizdan chiqib ketasiz, 
tajovuzkorsiz. Sizni yoki Sizning hatti-harakatlaringizni, bajargan ishlarinigiz 
natijasini tanqid qilishganini yoqtirmaysiz. Hayotda ko‘pincha “Hammasini o‘zim 
qilaman” prinsipiga amal qilasiz.
Siz yangiliklarga intilasiz. Yangi ishga zo‘r qiziqish, zavq va ishqivozlik bilan 
kirishasiz, kamchiliklarni yengib, ko‘tarinki ruxda ishlaysiz. Lekin ish davomida 
quvvatingiz zahirasi tez kamayishi mumkin, bunda faoliyatingiz tez tushib ketadi: 
ko‘tarinkilik va ruhlanish yo‘qoladi, kayfiyatingiz keskin pasayib ketadi. Yetarlicha 
tez, lekin bir oz qiyinchiliklar bilan qayta o‘rganishingiz, qayta tayyorlanishingiz 
mumkin. 
Mamontchani tanlagan bo‘lsangiz... 
Siz juda ta’sirchansiz. Kichkinagina sabab ko‘z yoshlaringizni chaqirishi 
mumkin. Ba’zida Siz o‘zingizga ishonmaysiz, jur’atingiz kam. Qiyinchiliklar Sizni 
qo‘llaringizni tushirishga, chekinishga majbur qiladi. Kayfiyatingiz ko‘pincha 
tushkun. Siz kam kirishimlisiz, tortinchoq va qat’iyatsizsiz. Odatiy sharoitda 
o‘zingizni dadil xis qilasiz va topshiriqlarni muvaffaqiyatli bajarasiz. Sabr-toqatlisiz. 
Yolg‘izlikni oson ko‘tarasiz. Saranjom-sarishtasiz. Sizga hamma narsani tartibga 
keltirish, chiroyli qilish yoqadi. Andishali, xushmuomalasiz. Sizga jizzakilik, tez xafa 
bo‘lib qolish xos. Siz doim ham o‘z kuchingizga ishonavermaysiz, notanish sharoitda 
o‘zingizni yo‘qotib qo‘yasiz. Har qanday o‘zgarish va kutilmagan sharoitlar Sizda 
xavotirlikni chaqiradi. Ishlayotganingizda tez toliqasiz. Bir marta o‘rgangan 
narsangizni hech qachon esingizdan chiqarmaysiz, lekin kerak bo‘lib qolsa, yangilik, 
noan’anaviy narsani qabul qilish uchun qaytadan o‘rganishingiz qiyin. Buning uchun 
Siz bu narsani kuzatishingiz, uzoq o‘ylab ko‘rishingiz, unga ko‘nikib borishingiz 
kerak. 

---