Dori turlari texnologiyasi kafedrasi farmatsevtik texnologiya

DAGAL DISPERSLI EMULSION SURTMALAR 
Bu guruhga sovituvchi surtmalar, ya’ni koldkremlar deb ataluvchi surtmalar kiradi. 
(inglizcha — cold sovuq, va cream — qaymoq, tom ma’nosi bilan sovuq kaymok). bo’lar o’z 
tarkibida ma’lum miqdorda suv yoki suvli suyuqlik saqlaydi, bu esa surtmaga yumshoqlik, 
g’ovaklik beradi. Koldkremlar teriga surtilganda tinchlantiruvchi, sovituvchi ta’sirga ega. Bu esa 
surtma tarkibidagi suv va xushbuy hidli moddalarning buglanishiga bog’liq. Sovituvchi 
surtmalar yallig’lanish jarayonlari, o’tkir va qisman o’tkir formadagi ekzemalarda, dermatit va 
boshqa teri kasalliklarida ishlatiladi. Bu surtmalarning sovituvchi ta’siri tabiiy ravishda o’ziga 
xos bo’lib, bunda suv uzluksiz-tutash faza hosil qiladi va hech qanday qarshilikka uchramay 
bug’lanadi, sovituvchi ta’siri suvning bug’lanishi natijasidir. Moy/suv tipidagi emulsion 
surtmalarning bu ta’siri bilan nam bog’lam ta’sir kuchi tenglashtiriladi. Suv/moy tipidagi 
surtmalar sovituvchi ta’sirga ega emas. Lanolin emulgatori bilan barqarorlashtirilgan bu 
surtmada mayda suv tomchilari moyli asos bilan o’ralgan bo’ladi , bu esa suvning bug’lanishiga 
qarshilik ko’rsatadi. Surtma qalin qatlamining ta’siri kompress bilan tenglashtiriladi. Birok ba’zi 
hollarda suv/moy tipidagi emulsion surtmalar sovituvchi ta’sirga ega bo’lishi mumkin. Bu hol 
qachonki suvli faza yirik o’lchamdagi tomchilardan tashqil topsagina yuz beradi. Bunday 
surtmalar kvaziemulsion sistemalarni tashqil qiladi. 
Simob-metall emulsion surtmasi.
Bu surtmalar dorixonalardan tayyor shaklda yoki 
ofitsinal konsentrlangan kulrang simob surtmasini suyultirib beriladi. Quyida keltirilgan 
dorixatda metallni simob emulsiyasi surtma tayyorlash jarayonida hosil bo’ladi. 
Rp.: Hydrargyri oxydi flavi 1,0 
Resorcini 
Acidi salicylici aa 3,0 
Vaselini 
Lanolini 
Adipis suilli depurati aa 10,0 
M.f.unq. 
D.S.Piodermiyani davolash uchun (Dare surtmasi). 
Surtmaning davolovchi ta’siri sarik simob oksidi va rezorsin urtasidagi oksidlanish-
qaytarlish reaksiyasi natijasida aktiv simob hosil bo’lishiga asoslanadi. Lanolin va chuchka 
yog’ining issiq aralashmasida salitsil kislota va rezorsin eritiladi. 0,6-0,7 ml vazelin moyida sarik 
simob oksidi eziladi, shundan so’ng vazelin bilan yaxshilab aralashtiriladi. Keyinrok ikkala 
qismni aralashtiriladi. Hosil bo’ladigan simobning mayda tomchilari lanolin yordamida 
turg’unlashtiriladi.