Konferensiyasi

Kalit so„zlar:
ma'naviyat, bag‗rikenglik, totuvlik, poydevor, g‗oya, targ‗ibot, elat. 
 
Vatan, istiqlol, ma‘naviyat… Darhaqiqat, bu so`zlar inson ongidagi eng buyuk 
tushunchalarni ifodalovchi purhikmat so`zlardir. Har bir odam butun hayoti davomida mana 
shu uchlikka intilib yashagan va yashab kelmoqda. Agar bularning birontasi yo`q bo`lsa, 
shu inson hayotining qayeridir kemtik bo`lib turaveradi. Buning o`rnini esa hech nima bilan 
to`ldirib bo`lmaydi. Yuqoridagi uch buyuk so`z haqida o`ylar ekanmiz, yuragimizda 
allaqanday hislar jo`sh uradi go`yo. Chunki ularning buyuk mag`zini ta‘riflash uchun so`z 
boyligimiz ozlik qilsa, yuragimiz ularning taftini, ziyosini o`ziga singdirolmaydi. Vatan 
jonajon o`lkamiz, Istiqlol uning ravnaqi, Ma‘naviyat esa uning o`tmishi, hoziri va 
kelajagidir. Ma‘naviyat turli xalqlar va mamlakatlar kishilarini qon-qarindosh qiladi. 
Ularning taqdirini o`zaro hurmat asosida yaqinlashtiradi. Mana shu aloqalar orqali esa 
jamiyat yuksaladi. Ular birgalikda taraqqiyot sari intiladi. Demak, ma‘naviyatsiz 
taraqqiyotni tasavvur etish qiyin. Insoniyatning doimo rivojlanishda va izlanishda bo`lishi 
uchun ham ma‘naviyat bo`lishi kerak.
Ma‘lumki, O`rta Osiyo, xususan O`zbekiston hududi qadim asrlardan turli madaniyat, 
til, urf-odat, turmush tarziga ega bo`lgan, xilma-xil dinlarga e‘tiqod qiluvchi, bir-biriga 
o`xshash bo`lmagan bir necha xalqlar yashagan o`lkadir. Hozirgi kunga kelib 
respublikamizda 130 dan ortiq millat va elat vakillari istiqomat qiladi. Turli millat va elat 
vakillari uchun esa bir qancha milliy madaniyat markazlari faoliyat yurgizib kelmoqda.
Diniy bag`rikenglik vijdon erkinligi va ma‘naviy jihatdan kata ahamiyat kasb etadi, u 
boshqa shaxs yo dinga hurmatni bildiradi. Bag`rikenglik – bizning dunyomizdagi turli boy 
madaniyatlarni, o`zini ifodalashning va insonning alohidaligini namoyon qilishning xilma-
xil usullarini hurmat qilish, qabul qilish va to`g`ri tushunishni anglatadi. Uni bilim, 
samimiyat, ochiq muloqot hamda hurfikr, vijdon va e‘tiqod vujudga keltiradi. Bag`rikenglik 
turli-tumanlikdagi birlikdir. Bu faqat ma‘naviy burchgina emas, balki siyosiy va huquqiy 
ehtiyoj hamdir. Bag`rikenglik tinchlikka erishishni musharraf qilguvchi va urush 
madaniyatsizligidan tinchlik madaniyatiga eltuvchidir. 

---