O‘zbekiston respublikasi sog‘liqni saqlash vazirligi toshkent farmatsevtika instituti

1.4.O‘zbekiston Respublikasida sertifikatlashtirish milliy tizimining yaratilishi
O‘z istiqloli yo‘lida shaxdam qadam tashlab borayotgan, mustaqil O‘zbekiston 
Respublikasida sertifikatlashtirish, metrologiya va sertifikatlashtirish sohalarida muhim va 
salmoqli ishlar amalga oshirilmoqda. O‘zbekiston Respukblikasi hududida ishlab chiqilgan 
me’yoriy hujjatlarga binoan muvofiqlik sertifikatlashtirishning asosiy maqsadlari:

Mahsulot, jarayon va xizmatlarda fuqarolarning hayoti va sog‘ligining havfsizligini 
ta’minlash, tashqi - muhitni asrash, buyum (mollar)ning bir xilligi va o‘zaro 
almashinuvchanligi masalalari, hamda iste’molchini ximoya qilish;

Xalqaro savdoda texnikaviy to‘siqlarni bartaraf qilish, mollar (buyumlar, jarayon va 
xizmatlar)ni raqobatbardoshlik qobiliyatini oshirishdan iborat. Sertifikatlashtirish milliy 
tizimining tashkiliy tu zilishi;

O‘zbekiston Respublikasining sertifikatlashtirish bo‘yicha milliy idorasi;

Bir xil mahsulotni sertifikatlashtirish bo‘yicha idora; 

Bir xil mahsulotni, sifat tizimini va ishlab chiqarishlarni sertifikatlashtirish bo‘yicha 

---

59 
akkreditlangan idoralari;

Akkreditlangan sinov laboratoriyalari. Vazirlar Mahkamasining qaroriga binoan 
sertifikatlashtirish milliy idorasi qilib, sertifikatlashtirish, metrologiya va sertifikatlashtirish 
O‘zbekiston davlat markazi - O‘zdavstandart belgilangan. O‘zdavstandartga qarashli turli 
soha va tarmoqlarni o‘z ichiga olgan, bir xil nomdagi bo‘limlar ham bor. Bularga standartlar 
va mahsulotni sertifikatlashtirish bo‘yicha davlat nazorati va o‘lchash vositalarini davlat 
qiyoslovidan o‘tkazish va attestatlash sohaviy bo‘limlari kiradi. Standartlar va mahsulotni 
sertifikatlashtirish bo‘yicha davlat nazorati sohaviy bo‘limlar: og‘ir sanoat, mashinasozlik, 
engil sanoat, mahalliy sanoat hamda agrosanoat kompleksi doirasida o‘z faoliyatini amalga 
oshiradi. O‘lchash vositalarini davlat qiyoslovidan o‘tkazish va attestatlash taromoq 
bo‘limlari esa massalar, radiotexnika, ionli nurlanish, geometrik, mexanik, elektrik magnitli, 
bosim, sarflanish, haroratli hamda fizik - kimyoviy kattaliklarni qiyoslovdan o‘tkazadi. 
O‘zdavstandart tarkibidagi asosiy bo‘limlar 3 - ilovada keltirilgan. 
O‘zdavstandart ilmiy - uslubiy markazi etib O‘zbekiton standartlashtirish, metrologiya, 
sertifikatlashtirish va mahsulot sifatini boshqarish soxalaridagi tadqiqot va mutaxassislar 
tayyorlash instituti - O‘zTMTI tayinlangan. Uning tashkiliy tuzilishi rasmda keltirilgan. 
Sertifikatlashtirish milliy idorasi quyidagi asosiy yo‘nalishlar bo‘yicha o‘z faoliyatini amalga 
oshirmoqda

Respublikada sertifikatlashtirishni qo‘llash va takomillashtirishning umumiy siѐsatini 
ishlab chiqish, qonun chiqaruvchi va ijro etuvchi tegishli davlat idoralari bilan aloqalarni 
o‘rnatish;

Sertifikatlashtirish masalalari bo‘yicha boshqa mamlakat va xalqaro tashkilotlarning 
vakillari bilan, o‘zaro kelishilgan asosda aloqalarni o‘rnatish, kerak bo‘lsa, bu tashkilotlar 
faoliyatida O‘zbekiston Republikasining qatnashishini ta’minlash;

Sertifikatlashtirishda yagona qoida va ish tartiblarini belgilash, bularga rioya 
qilishning nazorati, sertifikatlashtirish natijalari bo‘yicha hujjatlarni axborotli ma’lumot 
bilan ta’minlash. Vazirlar Mahkamasi qarorini bajarish yo‘lida O‘zdavstandart o‘zining 
viloyat markazlarini tuzib, ularning ishlariga har taraflama ko‘mak ko‘rsatmoqda. 1993 
yilning 28 dekabridan boshlab «Mahsulotlarni va xizmatlarni sertifikatlashtirish to‘g‘risida» 
qonun kuchga kirib, bu qonun asosida sertifikatlashtirish va sifatni ta’minlash borasidagi 
barcha ishlar mutlako yangicha usulda yo‘lga qo‘yila boshlandi. O‘zdavstandart tarkibidagi 
oziq - ovqat va qishloq ho‘jalik mahsulotlarini tekshiruv sinov laboratoriyasi akkreditlangan 
labaoratoriyalardan hisoblanib, shu kungacha muayyan turdagi mahsulotlarga muvofiqlik 
sertifikati berish uchun kerakli bo‘lgan sinovlarni bajarmokda. Respublika hududiga 
keltiriladigan yoki undan chetga chiqariladigan mollar (mahsulotlar) ning xafvsizligini 
tasdiqlash bilan bog‘liq bo‘lgan amallar tegishli davlat idoralari bilan kelishilgan holda 
O‘zdavstandart tomonidan tayyorlangan alohida hujjat bo‘yicha bajariladi.