9. Sim Powers System paketi

9.5. Uch fazali zanjirlar bibliotekasi Three-Phase Library 
Uch fazali zanjirlar bibliotekasi Three-Phase Library 9.12–rasmda keltirilgan. 
Ushbu bibliotekada ketma-ket va parallel RLC qarshiliklar, aktiv va reaktiv 
quvvatlari berilishi mumkin bo‘lgan ketma-ket va parallel yuklamalar (3-Phase 
RLC Series Load va 3-Phase RLC Parallel Load), ulanish gruppalari har xil 
bo‘lgan chiziqli uch fazali transformatorlar, uch fazali kalit, uch fazali ko‘prik 
sxemasi bo‘yicha ulangan diodli va tiristorli to‘g‘rilagichlar (6-puls diode bridge 
va 6-puls thyristor bridge), liniyaning seksiyasi (PI Line Section) va boshqalar 
mavjud. 
 
9.12–rasm. Uch fazali zanjirlar bibliotekasi Three-Phase Library 

---

9.6. Interaktiv SPTool qobig‘i 
9.6.1. SPTool qobig‘i 
SPTool protsedurasi Signal Processing Toolbox kengaytma paketining 
grafik interaktiv qobig‘ini aktivlashtiradi. Unda quyidagi vositalar mavjud:
signallarni izlash va ko‘rish vositasi — Signal Browser; 
filtrlarni loyihalovchi — Filter Designer; 
filtrlarning xarakteristikalarini kuzatish vositasi — Filter Viewer; 
signallarning spektrlarini kuzatish vositasi — Spectrum Viewer. 
SPTool qobig‘i MatLAB tizimining komandalar oynasida sptool 
komandasi terilib Enter klavishasini bosish yo‘li bilan aktivlashtiriladi (9.6.1-
rasm).
SPTool oynasi uchta bo‘limdan iborat — Signals (Signallar), Filters 
(Filtrlar) va Spectra (Spektrlar). Ularning har birining ostida knopkalar mavjud. 
Knopkalar mos bo‘limlarda joylashgan ob'ektlar ustida qanday amallar bajarish 
mumkinligini ko‘rsatadi. Masalan, Signals bo‘limida faqat View knopkasi 
mavjud, ya'ni ushbu bo‘limda joylashgan ob'ektlarni (signallarni) faqat ko‘rish 
mumkin. Filters bo‘limining ostida to‘rtta knopka joylashgan bo‘lib ular 
yordamida nomlari ushbu bo‘limda joylashgan ob'ektlar (filtrlar) hosil qilinishi 
(New Design knopkasi), tahrir qilinishi (Edit Design knopkasi) yoki ko‘rib 
chiqilishi (View knopkasi) mumkin.
9.6.1-rasm. Signal Processing Toolbox kengaytma paketining SPTool oynasi 

---

SHunga o‘xshash tarzda, Spectra (spektrlar) bo‘limidagi signallar ustida 
quyidagi amallarni bajarish mumkin:
•
hosil qilish (Create knopkasi);
•
ko‘rib chiqish (View knopkasi); 
•
yangilash, ya'ni ushbu nom bilan yangitdan hosil qilish
 
(Update 
knopkasi). 
SPTool oynasining har bir bo‘limida .spt kengaytmasiga ega bo‘lgan ochiq 
SPTool faylning (uning nomi SPTool oynasining sarlavhasida ko‘rsatilgan 
bo‘ladi) mos o‘zgaruvchi yoki protseduralarning nomlari (identifikatori)
joylashadi.
Birinchi marta murojaat qilinganda SPTool oynasining uchala bo‘limi ham 
bo‘sh bo‘ladi. Knopkalardan faqat New Design aktiv bo‘ladi, ya'ni faqat yangi 
filtrni yaratish amalini bajarish mumkin. Qolgan knopkalarni aktivlashtirish 
uchun qaerdandir qandaydir signallar to‘g‘risidagi ma'lumotlarni import qilish 
kerak. Bunday ma'lumotlar boshqa vositalar yordamida hosil qilinishi kerak, 
masalan, ular MatLab dasturining ishlash yoki Simulink muhitida modellash 
natijalari bo‘lishi mumkin. Ular qandaydir o‘zgaruvchilarga, ishchi sohaga 
(Workspace) yoki diskdagi faylga .mat kengaytmasi bilan yozilgan bo‘lishi 
kerak.