9. Sim Powers System paketi

9.3. Sim Powers System bibliotekasi modellarining kirish va chiqishlarini o‘zaro 
bog‘lovchi bloklar (Connector) 
Connector bibliotekasi 9.7–rasmda keltirilgan. Bus Bar bloklarining sozlash 
oynalarida kirishlar va chiqishlar soni ko‘rsatilishi kerak.
 
9.7-rasm. Connector bibliotekasi 
Neutral bloki tartib raqamiga ega bo‘lgan umumiy nuqta hosil qilish uchun 
ishlatiladi. Ushbu blokdan sxemaning turli joylaridagi ikki nuqtani liniyani 

---

chizmasdan bog‘lash uchun foydalanish mumkin. Agar Neutral blokining tartib 
raqami 0 bo‘lsa u er bilan bog‘lanish hosil qiladi. Neutral blokidan foydalanishga 
misol 9.8–rasmda ko‘rsatilgan.
 
9.8-rasm. Neutral blokidan foydalanishga misol 
Ground bloki er bilan bog‘lanish hosil qiladi. Kirish va chiqishga ega bo‘lgan 
ikki turdagi Ground bloklari mavjud (9.9-rasm).
 

---

 
 
9.9-rasm. Ground blokidan foydalanishga misol 
 9.4. O‘lchash bloklari Measurements 
Measurements bibliotekasidagi Voltage Measurement va Current 
Measurements bloklari (9.10–rasm) SimPowerSystem bibliotekasi bloklarini 
Simulink bibliotekasidagi o‘lchash bloklari bilan bog‘lash uchun xizmat qiladi.
Impedance Measurement bloki tekshirilayotgan sxemadagi ikki nuqta orasidagi 
to‘la qarshilikning chastotaviy bog‘lanishini o‘lchash imkoniyatini beradi. 

---

 
9.10-rasm. Measurements bibliotekasi
Eng ko‘p ishlatiladigan bloklardan biri Multimeter blokidir. Uning yordamida 
tekshirilayotgan elementlarning Measurement oynasida tanlangan elektr kattaliklar 
o‘lchanadi.
 
9.11-rasm. Multimeter blokining sozlash oynasi 
Multimeter blokining sozlash oynasi (9.11-rasm) ikkita maydonga ega. 
Ularning birinchisida (Available) o‘lchanadigan o‘zgaruvchilar ko‘rinadi. Ularning 
hammasi yoki bir qismi " >> " tugmasi yordamida o‘lchash va natijalarni qayd 
qilish uchun ikkinchi oynaga o‘tkazilishi mumkin. 

---