Kirisiw búgingi kúnde «Perzentlerimiz bizlerden de kúshli, bilimli, dana hám álbette baxıtlı bolıwları shart!»

II-BAP. MUZÍKA OQÍTÍWSHÍSÍNÍŃ METODIKALÍQ WAZÍYPALARÍN 
SHÓLKEMLESTIRIW
Muzıka oqıtıwshısınıń metodikalıq wazıypaların shólkemlestiriw boyınsha 
iskerligi. Joqarı oqıw ornında muzıka pedagogika (kórkem-óner) fakulteti 
oqıtıwshısınıń kásiplik iskerligi támendegi baģdarlardı óz ishine aladı, oqıw-
tárbiya auditoriya sabaqların tayarlaw hám ótkeriw, talabalardıń auditoriyada hám 
auditoriyadan tısqarı óz-betinshe jumıslarına basshılıq etiw. (dógerekler,TITI), 
tálim-tárbiya-rawajlandırıw, ilimiy metodikalıq (oqıw hám isshi baģdarlamalardı 
jaratıw, reje,kompleks, oqıw, metodikalıq qollanba, usınıslar, sabaqlıqlar hám 
basqa oqıw ádebiyatların jaratıw), ilimiy izertlew (ilimit maqala, tema, 
monografiya hám basqaların tayarlaw), shólkemlestiriwshilik-metodikalıq 
(kafedra, túrli metodikalıq birlespeler keńesler hám basqa jumısında qatnasıw), 
muzıkalıq-dóretiwshilik (koncert iskerligi, dóretiwshilik esabatlar menen shıģıw, 
talabalardıń shıģıwların shólkemlestiriw hám basqalar), mánáwiy –aģartıwshılıq 
hám social (topar kuratorlıģı,talaba jaslar ushın sáwbetler, talabalar turar 
jaylarında, ijarada hám jeke úylerinde jasawshı talabalar menen alıp barılatuğın 
isler, jámáát social turmısında).
Oqıtıwshı-muzıkant kásiplik iskerlik strukturasın tómendegishe sáwlelendiriw 
múmkin: 
-
oqıtıwshı, metodist, men, jámáátshi, alım, basshı, muzıkant. 
Oqıtıwshınıń oqıwshılar menen jumıs sisteması (texnologiyası) óz-ara baylanıslı 
bolğan tómendegi komponentlerde payda boladı: maqset belgilew, pedagogikalıq 
qurallardı tańlaw, olardan paydalanıw (tálim xızmetiniń barısı), onı bahalaw hám 
korrekciyalaw. Sistema komponentleriniń óz-ara baylanıslılığı reproduktiv hám 
produktiv oqıw-biliw qániygeligin rawajlandırıwdı támiynleydi. Pútkil sistemanıń 
rawajlanıwı qáliplestiriletuğın sıpatlardıń rawajlanıwına muwapıq keshedi, 
qániygelikler rawajlanğan sayın maqsetler pedagogikalıq qurallar (mazmun, 
metodlar, shólkemlik formalar, oqıtıwshı hám jámááttiń oqıwshılarğa tásir 
metodları, tálim quralları) ózgerip baradı. 

---

 Oqıw xizmeti jemisiniń áhmiyetli shárti oqıtıwshı hám oqıwshı ortasında óz-ara 
húrmetke tiykarlanğan birge islesiw bolıp esaplanadı. Búgingi kúnde muzıka tálimi 
hám tárbiyası tarawında sheber qánige kadrlar tayarlaw hám oqıwsh jaslar hám 
tárbiyalanıwshılardıń muzıkalı-pedagogikalıq bilimleri dárejesine qoyılıp atırğan 
talaplar barğan-sayın asıp barmaqta. Bul bolsa óz náwbetinde «Muzıka 
pedagogikası» pániniń wazıypalar sheńberiniń keńeyiwine alıp kelmekte. Sonday 
qılıp «Muzıka pedagogikası» páni óz aldına tómendegi wazıypalardı qoyadı: 
- Muzıka padagogikası wazıypalarınıń áhmiyeti, ózgesheligi hám nızamlıqların, 
onıń qyramlıq bólimleri bolğan tálim, tárbiya, ruwxıy dóretiwshilik, atqarıwshılıq 
sheberligi, óz-betinshe atqarıwshılıq sheberligin asırıw, óz-betinshe tálim alıw 
jarayanların úyreniw; 
- jámiyette hám social turmısta júz berip atırğan ózgerisler tiykarında muzıka 
iskerliginiń rawajlanıwı hám jetilisiwi, sonday-aq olardıń social buwınnıń barlıq 
buwınlarına kirip barıw tálim hám tárbiya principlerin anıqlaw; 
- muzıka psdagogikasınıń formaların jaratıw, metodların rawajlandırıwp, zaman 
talapları tiykarında jetilistiriw; 
- hár qıylı túrdegi muzıka atqarıwshıları menen hár qıylı jağdaylarda tálim-tárbiya 
jarayanın ámelge asırıwda tálim hám tárbiya principleri talapların jemisli ámelge 
asırıw; 
Muzıka janrlarınıń ózine tán ózgesheliklerinen kelip shığıp tálim-tárbiya metodları 
dizimin islep shığıw hámde jetilistirip barıw; 
- tálim-tárbiya jumısların shólkemlestiriw formaların jetilistiriw, rawajlandırıw, 
muzıka atqarıwshısı hám onıń muzıka jámáátleri arasında tálim hám tárbiya 
dárejesin anıqlaw, tekseriw hámde bahalawdıń nátiyjeli jolların engiziw; 
- muzıka pedagogikalıq xızmettiń rawjın támiynlewshi metodikalıq támiynleniwin 
jaratıw hám onı dáwir talabınan kelip shıqqan túrde jetilistirip barıw; 
- didaktikalıq oraylıq mashqalası sıpatında oıwshı jaslardıń bilim iskerligin 
aktivlestiriw, ayrıqsha alınğan muzıka atqarıwshı jámáátleriniń joqarı professional 
atqarıwshılıq dárejesine iye bolıw jolları, usılların, quralların izlew hámde 
ámelliyatta qollaw; 

---

- muzıka atqarıwshılarınıń ózine tán ózgesheliklerin, sheberligin úyreniw hám 
tálim-tárbiya barısında olardı esapqa alıw; 
- muzıka atqarıwshılarınıń muzıkalıq sheberlik intizamdı hám social-siyasiy 
iskerligin asırıw, mánáwiy- aqılkıy kamalatqa erisiw jolların úyretiwdi izlep tabıw; 
- sheber muzıka atqarıwshıları hám muzıka jámáátleri ústinde bellesiw 
shólkemlestiriwdiń pedagogikalıq shártlerin anıqlaw; 
Muzıka atqarıwshıların jámáátlik birlikte biriktiriw, onda intizam talaplarına tán 
óz-ara múnásibetlerdi, salamat ruwxıy ortalıq hám social pikirdi qáliplestiriw 
metodların úyreniw hám onı ámeliyatta qollay alıw. 
Muzıka 
dóretiwshiliginde atqarıwshılardı tárbiyalawda olara basshılıq, 
oqıtıwshılıq hám ustazlıq etiw iskerliginen kelip shığıp, muzıka pedagogikası páni 
ushın támendegi tiykarğı wazıypalar da áhmiyetli orın iyeleydi: 
- muzıka-padagogikalıq xizmetinde tárbiyalanıwshılardıń ornın anıqlaw; 
- oqıwshı-jaslarda pedagogikalıq mádeniyat hám pedagogikalıq sheberlikti 
qáliplestiriw jolların islep tabıw hámde olarğa tálim hám tárbiya beriw mazmunı 
hám usılların túsindiriw; 
- aldıńğı pedagogikalıq tájriybeni úyreniw hám ulıwmalastırıw, muzık-
pedagogikası boyınsha izertlew alıp barıw usılların islep shığıw. 
Muzıka oqıtıwshısınıń wazıypasınıń jáne bir ózine tán ózgesheligi talaba jaslar 
hám muzıka atqarıwshılarınıń túrlı bilim hám ulıwmalıq bilim alıw hám tayarlıq 
dárejesine iye ekenligi menen de sáwlelenedi. Sebebi muzıka atqarıwshısınıń 
ruwxıy, aqılıy hám hátteki fizikalıq tayarlığı túrlishe boladı. Olardıń ulıwmalıq 
tálim mektepleri, balalar muzıka hám kórkem-óner mektepleri, arnawlı muzıkalıq 
bilimlendiriw orınları dárejesindegi bunday qarsılıqtı bilimlendiriw xizmetin 
shólkemlestiriwge kóbirek jeke tártipte jandastı, óz aldına bilimlendiriw dástúrlerin 
islep shığıwdı talap etedi.