Русс нашриётига сўз боши

 
Қаҳрамон бўлманг 
 
Кўпгина ҳолларда қийинчилик олдида қаҳрамон бўлгандан кўра, ундан 
қочиб қолган яхшироқ бўлади.
Масалан, сиз вазифани икки соатда бажарса бўлади деб ўйлайсиз. Лекин 
тўрт соат ўтса ҳам, сиз унинг бор йўғи тўртдан бир қисмини якунладингиз. 
“Мен бу ишни шу ерда ташлаб кета олмайман, ахир мен унга бутун тўрт 
соатни сарфладим”, деган фикр миянгиздан ўтиши табиий ҳол. 
Ва сиз мана қаҳрамонлик ҳолатига ўтдингиз. Сиз бу иш ва ниҳоят турган 
нуқтасидан ҳаракатга келганидан хурсандсиз (ва буҳали ҳам рўй 
бермаганидан бироз ҳижолатдасиз), барча ресурслрингизни унга сафарбар 
этасиз ва ташқи дунёдан узилиб оласиз. 
Баъзида бу бор кучингизни ҳаддан ташқари бир нуқтага қаратиб иш 
тутишингиз яхши натижа бериши мумкин. Лекин у меҳнатингизга 
арзийдими? Аслида, йўқ. Мақсад - икки соатлик харажатни оқлаши мумкин 
эди, лекин 16 соатликни эмас. Бундан ташқари сиз тескари алоқа олмаяпсиз 
ва бу сизни тўғри йўлдан чалкаштириши мумкин. Ҳаттоки қаҳрамонлардан 

---

ҳам баъзида масалага бошқа томондан қараш талаб этилади ёки ҳолатни 
тўғри баҳолашга ёрдам берувчи бирор кимнинг фикри керак бўлади.
Ўз вақтида биз ҳам бу қийинчиликларни бошимиздан кечирганмиз ва 
шундай қарорга келганмиз: агар қайсидир вазифа бизнинг бирортамиздан 
икки ҳафтадан кўп вақт, куч ва ҳаракат талаб қиладиган бўлса, албатта, 
ҳамкасбларимизни таклиф қилиб уларнинг фикрларини сўраш керак. 
Эҳтимол, уларнинг ҳеч бири бу вазифа бўйича бирор ишни амалга 
оширмасликлари мумкин, лекин улар ҳолатни тўғри баҳолай олишлари 
мумкин. Баъзида инсон ўрмонда тентираб юриши, лекин бирорта ҳам 
дарахтни кўрмаслиги мумкин. Баъзида ечим ёнгинангизда бўладию сиз уни 
сезмайсиз.
Юқорида келитирлиганлардан шуни айтмоқчимизки, тез-тез бошлаган 
ишингизни тўхтатишдан қўрқманг. Кўпчилик, бу қадамни омадсизлик деб 
баҳолайди, лекин баъзида бу энг зарур иш бўлади. Агар сиз сарфлаган 
вақтингизга арзимайдиган, бирор ишга вақт сарфлаган бўлсангиз ҳам уни шу 
ерда қолдиринг. Йўқотилган вақтни қайтариб бўлмайди. Энг ёмони бу 
ҳолатни давом эттириб, қолган вақтингизни ҳам беҳудага сарфлашингиздир.