Русс нашриётига сўз боши

Ётиб ухланг 
 
Уйқунинг ҳисобига ишлаш – бу ёмон фикр. Қўшимча тежалган бир икки 
соат эвазига кейинчалик юз баравар қиммати билан қайтиб тўлашингизга 
тўғри келиши мумкин, яъни руҳингиз, кайфиятингиз ва ижодкорлигингиз 
тушиб кетади.
Ўз-ўзига нима иш қилаётгани ҳақида ҳисоб берадиган одамлар баъзи 
ҳолларда сутка давомида тўхтовсиз ишлашади. Лекин буни одатга 
айлантириб олиш керак эмас. Агар у доимийга айланиб борса, унинг бадали 
ошиб кетади. Мана сизни нималар кутиши мумкин: 

Қайсарлик: одам чарчаган ҳолида, унга доим танланган 
йўналишда меҳнат қилишни давом эттириш осонроқдек туюлади, ҳаттоки бу 
йўналиш хато бўлса ҳам, унга тўғри баҳо беришга ақлнинг кучи етмайди. 
Якуни ҳар доим саробдек яқин кўринаверади ва охири шундай тугайдики, у 
чўлда анча узоққа кетиб қолган бўлади.  

Ижодкорликнинг йўқолиши-бу тўйиб ухламаслик оқибатида 
сизни тарк этидиган энг биринчи сифат. Бошқаларга қараганда ўн баравар 
кўпоқ самарали натижаларга эришувчи одамлар, бошқалардан, ўн баравар 
ғайрати билан эмас, балки, бошқалар билан солиштирганда, уларнинг ўн 
ҳисса ҳаракати талаб қилинадиган ечимни топишга ёрдам берадиган 
ижодкорлиги билан фарқ қилади; 

Драйв етишмаслиги: сизнинг миянгизнинг двигателида барча 
цилиндрлар ишламаётган вақтда, у нисбатан осонроқ бўлган вазифалар билан 
шуғулланишни яхши кўради. Масалан, ўқиш билан, уни устига маъносиз 
мақолаларни. Чарчаган вақтда катта ишлар билан шуғулланишга мотивация 
етишмайди.

---


Иррационаллик. Чарчоқ сезиб турган вақтингизда сиз чидамли 
бўлишга ҳаракат қилиб, ўз имкониятларингизга жиддий зарар етказасиз.
Бундан ташқари, сизнинг уйқусизлигингиз оқибатида атрофингиздагилар ҳам 
зарар кўриши эҳтимоли ошиб боради. 

Ёмон қарорлар. Чарчаган ҳолатингизда ёмон қарорлар қабул 
қилишингиз эҳтимоли катта.
Бу сизнинг уйқусизлигингиз тушган қийматнинг бир кичик қисми холос. 
Лекин барибир кўпчилик, ўзининг уйқусизлигидан ғурурланиш ҳиссини 
бошидан кечиришни давом эттиришади.
Улар ҳаттоки, қанчалик чарчаганлари билан мақтанишади. Лекин бу 
ерда мақтанадиган ҳеч нарса йўқ. Бу “жасорат” энг ноқулай вақтда ўз 
қийматини тўлайди.